Dal bearjadaga skábmamánu 30. B. dii. 12:00 almmuha Sámi Našunálateáhter 2019 teáhterprográmma. Prográmmas lea olu ođas ja miellagiddevaš ja maiddái muhtin mii ovdal lea čájehuvvon. Prográmmas lea juoga juohkehažži.

Teáhtera prográmma 2019 program teater – forside/ovdasiidugovva

Bearjadaga skábmamánu 30. B. dii. 12:00 almmuhii Sámi Našunálateáhter 2019 teáhterprográmma, ja listtu maid teáhterhoavda Rolf Degerlund čájehii sisttisdoallá olu ođas, olles guhtta álgočájálmasa leat vuordimis 2019is. Maiddái čájeha 2019 čájálmaslistu ahte teáhter hui bures nákce doalahit mihtu ráhkadit teáhterfálaldaga olles álbmogii, go dát mii lea boahtimis lea buot ahkásaččaide. Dán deattuhii teáhterhoavda almmuheamistis.

Teáhter buohkaide

Dovddus Pippi finadii dás oalle aitto teáhtera “guossis”, dát bihttá geasuhii olu olbmuid buot báikkiin gos finadii. Dal lea eará dovddus karáktevra boađa boađa teáhterii, namalassii Pelle Njoammil. Sámi álbmogii lea goit dát dovddus karáktevra, ea. ea. jietnagirjjiid/CD bokte. Dies lea álgočájálmas cuoŋománu, beassážiid.

Guokte máilmmiálgočájálmasa jo ođđajagimánus

Earáide lea prográmmas olu miellagiddevaš, dal jo ođđajagimánus leat guokte álgočájálmasa, dahje nu mot teáhterhoavda ovdal gohčodivččii, máilmmiálgočájálmasa. Dát heive Degerlund mielas buorebut Sámi Našunálateáhterii, guhte ii dušše jođe sámis, muhto viidát máilmmis. Vuosttaš lea goit aŋkke Juoiggas! Ja de das maŋŋel Nissondeaivvadeapmi. Dá vuolábealde oidnojitge čájálmasa golbma neavttára ja bagadalli.

Dá lea teáhtera ollislaš 2019 teáhterprográmma, oasi mii oidno dien pdf:as lea maid oaidnimis dáppe (oktan govaid maid sáhtát viežžalit ja teaksta). Dás video vuolimusas, mii čájeha oasi teáhterhoavdda teáhterprográmma almmuheamis.

Anja Saiva Bongo Bjørnstad, Anitta Suikkari, Sarakka Gaup, Mette Brantzeg – Nissondeaivvadeapmi/Kvinnerommet

https://youtu.be/QkyjfvNnfPA