(C): Beaivváš/www.maretannesara.com

«Skoavdnji» čájálmasas deaivvadit olbmuid buriid ja bahá beliiguin. Soaikkus, mii lei čájálmasa gáldu, lea vuolgán Nuorta-Finnmárku rittus ja sámi dramatihkar Inger Margrethe Olsen lea čállán dán teáhterii. Dahpahus muitalusas lea mearrasámi birrasis. Čájálmasain čálli lea háliidan bidjat fuomášumi veahkaválddálašvuohta mii dahpahuvvo ruovttuin; mot lea vejolaš ahte veahkaválddálašvuohta ja ráhkisvuohta guktot orruba ja ealliba seamma dáhki vuolde ja maiddái mot lea vejolaš ahte dát ii boađe oidnosii birrasis. Dasa lassin jearrá maid čálli duosttat go mii čorget ja njulget ovddeš daguid ja dáhpáhusaid, duosttat go mii deaivvadit iežamet balddonasaiguin. Čájálmas čájehuvvui vuosttaš geardde Beaivvážis 1994is, dal čájehuvvo fas, muhto áibbas “ođđa biktasiin”.

Čájálmas tekstejuvvo dáro-/eŋgelasgillii. Vuosttaščájálmas lea golggotmánu 9. B. 2015.

Čájálmasa prográmma (pdf hámis).

PDF: Dieđut ja mátki/Info og turné/Info and tour

Elektruvnnalaš flyer (pdf).

(Bileahtat čájálmasmátkis golggot- ja skábmamánu 2015).

Čájálmasa dáiddalaš jođihanjoavku

  • Bagadalli Haukur J. Gunnarsson
  • Lávde- ja bivttashábmejeaddji Bård Lie Torbjørnsen
  • Čuovgahábmen Øystein Heitmann
  • Šuokŋadahki Frode Fjellheim

 Neavttárat:

  • Egil Keskitalo – Piera
  • Ida Løken – Eliisa
  • Ingá Márjá Sarre – Gájjá
  • Áilloš – Karral
  • Nils Henrik Buljo – Elias
  • Heli Huovinen – Ánná