Beassážat Guovdageainnus fállá nu mot dábálaččat máŋga kultuvrralaš vásáhusaid, maiddái buorre teáhtervásáhusaid. “Dá lean mun”/”This is me” čájehuvvo álggus ja de loahpahuvvo “Haugtussa” čájálmasain gos deaivvadit TV-ráiddoáigeguovdilis Ane Dahl Torp:ain.

Ane Dahl Torp “Haugtussa”
Nils Rune Utsi “This is me”/”Dá lean mun”

Beassážat Guovdageainnus fállá nu mot dábálaččat máŋga kultuvrralaš vásáhusaid, maiddái buorre teáhtervásáhusaid, dán jagi čájehuvvojit guokte bihtá, nubbi dain čájehuvvo guktii. Guhkesbearjadaga čájehuvvo sámegielat “Dá lean mun”/”This is me” ja guhkesbearjadaga čájehuvvo dárogielat veršuvdna dán seamma čájálmasas. Čájálmas, mii čájehuvvui vuohččan diibmá čakčamánu ja mii váldojuvvui bures vuosttá, muitala givssideami birra ja lea Nils Rune Utsi gii lávde dán ovttas Mary Sarre:in ja Anja Saiva Bongo Bjørnstad:ain. Sis lea maid lávddis musihkar Roger Ludvigsen.

Foto: Dag Jensen/Det Norske Teatret
Sjur Miljeteig “Haugtussa”

Sotnabeaivvi, 1. Beassášbeaivvi loahpahuvvo dan jagaš teáhterbeassážat “Haugtussa” čájálmasain, mii lea Det Norske Teatret:a guossečájálmas. Ja lávddis čuččoda beakkálmas Norgga neavttár Ane Dahl Torp guhte dal maid lea TV-ráiddo áigeguovdil (Heimebane). Čájálmasas, mii vuolgá Arne Garborg teavsttas ja maid neavttár ieš lea heivehan lávdái, deaivvadit geahččit Veslemøy:ain, guhte lea dakkáraš mii oaidná balddonasaid ja ulddaid. Bergensavisenis gohčoduvvo čájálmas “balddonasmuitalus rávisolbmuide”. Nu mot maid “Dá lean mun”/”This is me” čájálmas, de dán čájálmasas lea maid ealli musihkka, trompehtačuojaheaddji Sjur Miljeteig bokte. Čájálmas čájehuvvui vuohččan 2013is, ja lea rámiduvvon nannosit, ea. ea. VG áviissa bokte.

Dás oastát bileahtaid čájálmasaide.