Sámi Našunálateáhter lea dan jagi maid mielde beassášmárkaniin ja nu mot dávjá, de lea teáhteris fálaldat eatnasiidda. Ođđa bearaščájálmas čájehuvvo vuosttaš geardde, aitto Sámi Našunálateáhtera áigeguovdilis čálli guhte ieš lea lávddastallame Beaivváža lávddis ja Norgga buoremus čájálmas čájehuvvo vuosttáš geardde Sámis.

Sámi Našunálateáhter lea dieđusge dán jagi maid oassin ruovttubáikki beassášmárkaniin, dán háve fállá teáhter maid nu mot jo galgá ge dahkat, čájálmasaid “buohkaide”. Sihke ođđa čájálmas mii heive olles bearrašii ja duođaštuvvon Norgga buoremus bihtá, leat prográmmas. Dasa lassin čájeha Sámi Našunálateáher maiddái aitto áigeguovdilis čálli bihtá, gos čálli ieš lávddastallá.

Beaivváža beassášprográmma

Na de čájehuvvojit dát čájálmasat beassážiid, Guovdageainnu kulturviesus:

Gaskavahkku 17.4.:
Dii. 18:00 – Pelle Njoammil, álgočájálmas – bileahtta

Skilleduorastaga, 18.4.:
Dii. 18:00 – Pelle Njoammilbileahtta

Guhkesbearjadat 19.4.:
Dii. 18:00 – Doal’al njálmmi, Henriksenbileahtta

1.beassášbeaivvi, sotnabeaivi 21. 4.:
Dii. 18:00 – Abrahams barn/Abrahama mánát bileahtta

Mánáide ja bearrašiidda áibbas ođđa čájálmas

Diibmá čájehii Sámi Našunálateáhter mánáide ja bearrašiidda sámegielat Pippi. Dán jagi čájeha teáhter Pelle Njoammila ja Sáttomielli searaid, ja de geavváge sámi mánáide dovddus njoammil vuosttaš geardde lávdái. Pelle Njoammil dáidá leat eanemus dovddus jietnaskearruid bokte, muhto de dal oidnogoahta maid teáhteris. Dás eanet dieđut bihtá birra, mas de lea ge álgočájálmas beassážiid, ruovttus Guovdageainnus/Sámis. Čájálmas vuolgá mátkkoštit Sámis miessemánu.

Norgga buoremus čájálmas

Beassážiid fitná bihtá Abrahams barn Sámi Našunálateáhera guossis, bihtá mii čieža jagi dassái šattai Norgga buoremus čájálmas, go dalle vuittii Norgga eanemus árvvos atnon teáhterbálkkašumi, Hedda bálkkašumi, “Dán jagi čájálmas” bálkkašumi. Čájálmas ii leat dušše árvvoštalliid ja teáhterdovdiid bealis rámiduvvon, čájálmas lea dal an geahččamis Oslos, gos dal lea čájehuvvon olles 7 jagi, dušše fal dan sivas go lea nu bivnnut. Dát lea Sámi Našunálateáhtera ovttasbargo teáhter Oslos, Det Norske Teatret, bihttá. Go Sámi Našunálateáhter an čájeha teáhtera Oslos, de dát dáhpáhuvvu dábálaččat Det Norske Teatret guossis. Dát teáhter lea maid ieš máŋga jagi fitnan Guovdageainnu, beassážiid, Sámi našunálateáhtera guossis. Loga dás eanet Abrahams barn birra.

Doala njálmmi Henriksen

Sven Henriksen lea aitto báliid finadan teátheris čállin, go lei son gii čálii Nissondeaivvadeapmi bihtá, mii álggugeahčen njukčamánus loahpahii mátki. Henriksen boahtá fas dal guossái, dán háve ii leat dušše čálli, muhto maiddái neavttár. Son galleda Beaivváža ja beassášmárkaniid iežas čájálmasain “Men hold kjeft da, Henriksen” (“Doal’al njálmmi, Henriksen”), masa lea sisagođđon čieža jazzlávlaga. Dás eanet dieđut dán čájálmasa birra.

Beaivváža beassážat 2019