Sámi skealbmadoavttir Sara Margrethe Oskal ovddasta Beaivváža suoma-ugralaš Majatul teáhterdoaluin mii lágiduvvo Ruošša republihkas Mari-El, iežas čájálmasain Guksin guollemuorran.

Sámi skealbmadoavttir Sara Margrethe Oskal ovddasta Beaivváža suoma-ugralaš Majatul teáhterdoaluin mii lágiduvvo Ruošša republihkas Mari-El, iežas čájálmasain Guksin guollemuorran. (Govva: John Rickard Valkeapää).

Olgoriikadepartemeanttas  lea leamáš mielde ruhtadeames dán mátki.

Sámegiella gullá suoma-ugralaš giellajovkui, mas leat suomagiella, esttegiella ja uŋgáragiella, ja dasa lassin vel unnitálbmot gielat oarjjabealde Urala, nugo mari, mordvinska, udmurta ja komi. Teáhterfestivála Majatul lea lágiduvvon máŋga jagi iešguđet sajis suoma-ugralaš guovlluin. Vaikko vel leat ge ožžon bovdehusaid ovdal, de lea áŋke vuohččan sámi teáhter guossástallá dán festivála.

Sara Margrethe Oskal lea aittobáliid čađahan dáiddalaš dutkanbarggus ”Sámi skelbmošeapmi muitaleamis ja juoigamis ja ođđaáigge lávdedáidda” Oslo Dáiddaallaskuvllas. Guksin Guollemuorran lei su praktihkalaš loahpahanbargu, ja maid jurys  veardiduvvon internašunála alladásat teáhterčájálmassan. Geahča sierra ášši su birra, go mátkkoštii dáinna čájálmasain Sámis Beaivváža ovddas.