2014 (ekstearna čujuhus, dárogillii):

Čájálmas Mun lean Inanna čájehuvvo vuosttaš geardde Álttás lávvordaga 14. B., doppe lea čájálmas oassi doaluin Åpne Hus Miljøsirkus 2014 GRØNN FINALE – Åpen Hus doalut lágiduvvojit dal 4. geardde, Beaivváš lea searvan dain golbma maŋemus lágidemiin.

2013 (ekstearn čujuhus, dárogillii):

Geassemánus searvvai Beaivváš “Åpen hus Miljø sirkus” doaluin (“Rabas viessu biras sirkus) mat lágiduvvojit Áltás jahkasaččat. Beaivváš searvvai maid diibmá. Dan jagi lei “forum-teáhter” ja fáttá “Det første møtet (Vuosttaš deaivvadeapmi) guovddažis.

Beaivváš lea sihke oasálasti ja čálli go HATS ja Miljøsirkus Álttás lágideddje kurssa Forumteáhteris 22 ja 24 vahkku. Kurssaid/workshopaid bohtosiin galggai šaddat teáhterčájálmasat ÅPNE HUS Miljøsirkus mii lágiduvvui Skádjaluovttas ja Bossegohpis lávvordaga geassemánu 15 beaivvi. Dán jagaš fáddá lea “vuosttaš deaivvadeapmi” gos oaidnit movt dat dáhpáhuvvo go bovde Forumteáhterii, teáhteroahkumii, filbmii, dánsii, musihkkii.

Na čálii Altaposten dán jagaš doalu birra (dárogillii)

2012 (ekstearna čujuhus, dárogillii):

Birassirkus lea nuppes juo lágiduvvomin. Nu go juo namma muitala de lea sáhka birrasa suodjaleami sáhka. Nuppádasgeavaheami ja ođđasit hábmen lea vuođustus ja vuohki nuoraid dáiddabájis. Mielde leat kulturskuvla, koara, drámaoahppit, báđarat ja VEFAS bargit ja dasa lassin vel ámmátdáiddárat.Dáiddárat, musihkkarat, neavttárat, dánsejeaddjit, filbmadahkkit, hábmejeaddjit  ja arkiteavttat barget vahkku nuoraiguin ovttas geassemánus, ja čájehit iežaset bohtosiid Vefas stuora lanjain Amtmannsnesas lávvordaga dii 14-17. Beaivváš Sámi Našunálateáhter lea dehálaš ovttasbargoguoibmi ja teáhteris lea maiddái ovddasvástádus váldobuvttadussii mii lea oaivadeapmi Tone Kjærnli girjjis “Bárehuoš noaidefijuvllain”

Go RABAS VIESUT Birassirkus rahppo lávvordaga 16.s dii. 14.00 lea prográmma nu go  čuovvovaččat:Beaivváža teáhterhoavda Haukur J Gunnarsson bagadallá TEÁHTERMÁTKI “Bárehuoš noaidefijuvllain”, mii lea oaivadeapmi Tone Kjærnli girjjis. Álttá nuorat nektet  ovttas Beaivváža neavttáriiguin. Doppe lea illu, gatnjalat ja aktion, buohkaid galget duhtadit. Álttá sátnejođiheaddji Laila Davidsen juohká jahkásaš BIRASBÁLKKAŠUMI. 1001 IJÁ Basaras beassat oaidnit gelddolaš čájáhusaid, musihka, juohkelágaš máilmmálaš borramušat ja duojit vuovdimassii. OĐĐASITHÁBMEN čájáhussii leat Elin Kåvena šuoŋat, mii juo lea hui earenoamáš hábmen. BUKTASÁGASTALLAMAT, gelddolaš govva- ja filbmaprošeakta lagas Áltá-historjjá olis.

Verte eanadaga OS arkitektuvrra Anita Veiseth, Kristin Nicolaysen, Nicolaysen Film OS ja govvadáiddár Laila Kolostyák  álggahedje dán kulturlágideami. Váldoovttasbargi lea VEFAS (Oarje Finnmárkku doapparsearvi) gii veahkeha nannet ja oahpahit nuppádasgeavaheami servodatperspektiivvas.