Maŋŋel golbma dievva čájálmasa Guovdageainnus, dolle ábegáhttu, heasta ja villa ja Pippi ja earát, mátkái Sápmái. Vuosttaš sámegielat Pippi lea leamaš dán rádjai hui bivnnut. Pippi, dahje Marte Fjellheim Sarre, illuda. Ja sunnje šaddá earenoamáš somá álggahit čájálmasmátki ruovttubáikkis Kárášjogas, doppe gos dál jo diehtit šaddet unnimusat guokte dievva čájálmasa.

Marte Fjellheim Sarre, Nils Henrik Buljo

Bearjadaga golggotmánu 5. B. humái máilmmi gievrramus nieiddaš sámegiela vuohččan teáhterlávddis. Lei dieđusge Pippi Langstrømpe, dahje nu mot sámegillii lea, Pippi Nallesuohkku ja dát dáhpáhuvai Sámi Nasunálateáhtera lávddis. Vuosttaščájálmas lei áibbas dievva ja nu ledje maid dat guokte eará čájálmasa Guovdageainnus. Ja oktiibuot geahččalančájálmasaiguin, maiguin maid ledje valjit geahččit, de sáhttit roahkka dadjat ahte Pippi Nallasuohkku lea hui bivnnut, sihke mánáide, nuoraide ja rávisolbmuide.

Nils Henrik Buljo, Mary Sarre, Marte Fjellheim Sarra

Somá leahkit Pippi

Pippi ieš, dahje Marte Fjellheim Sarre, illuda dieđusge go unnimusat, diet veahá boarráseappot ja diet mánát mat leat oalle mihá boarrásat, liikojit go son dájuha ja duhkoraddá Klingain ja Klangain (Skillain ja Skállain), suollaga guoktáin ja Prusseluskaniin: Hui buorre dovdu. Lean nu ilus ja giitevaš go nu máŋggas leat boahtán geahččat čájálmasaid. Guovdageainnus ledhe hui ealas ja movttegis geahččit geat bures respondereje midjiide lávddis, ja de lea hirbmat somá leahkit neavttár, dadjá Marte Fjellheim Sarre.

Pippi maŋŋel čájálmasa/etter forestilling

Pippi maid ruovttubáikkis

Martes čágalduvvo čoavjjis. Ja dat mii dagaha vel ain eanet čagalduvvama, lea go Marte dahje go Pippi, su ábegáhtu, heasta ja villa ja earát čájálmasas, álggahit čájálmasmátki Marte ruovttubáikkis: Illudahtti go álgga lea Kárášjogas, addá lassi čagaldeami go jurddašan dan birra. Lea somá máhccat báikái gos lea bajásšaddan, ja šaddá hui suohtas čájehit čájálmasa báikki mánáide, nuoraide ja rávisolbmuide, dadjá Marte. Dá govas mánát go mánát besset dearvvahit Pippi ja earáid, maŋŋel čájálmasa.

Kárášjogas čájálmasat divvet

Guovdageainnus lea Marte ja Pippi hui bures vuostáiváldon. Ja nu orru maid šaddame Kárášjogas. Doppe diehtit ahte šaddet guokte dievva čájálmasa ja goalmmát mii dal lea vuovdimassii sáhttá maid dievihit jođánit. Dál gaskavahkku  golggotmánu 10.b. dii. 18:00 lea Pippi čájálmasas vuosttaš mátkečájálmas Kárášjogas, namalassii Kárášjoga valáštallanvisttis. Čájálmassii vuvdojuvvojit dál bileahtat, ja dan ektui man ollu dal leat juo jođihuvvon, de sáhttá diet čájálmas maid dievihit. Duorastaga čájehuvvojit guokte čájálmasa Kárášjoga skuvlaohppiide, goappašagat leat dievva.

Pippi dás, duos ja doppe Sámis

Marte ja Pippi čájálmas vuolgá čájálmasmátkái mii bistá sullii mánu vel maŋŋel Kárášjoga, gitta skábmamánu álgui. Gos Pippi čájehuvvo, dan oainnát dás, oainnát maid eanet dieđuid čájálmasa birra. Dáppe fas oastilat bileahta buot čájálmasmátkki čájálmasaide. Ja geahča dás vuolábeale go Pippi ieš muitala ahte son dal fargga boahtá diehko…