Sámi Našunálateáhter Beaivváš sávvá buohkaide buori ja iloloaš ođđajagi! Mii giitit buohkaid geat fitne geahččame min čájálmasaid mannan jagi, ja sávvat buohkaide bures boahtima ođđa teáhtervásáhusaide 2018is. Ja ođđajagimánu 12. beaivvi leage juo min vuosttaš álgočájálmas, de mii muitalit muitalusa mii ii soaitte nu dovddus, namalassii sámi nieidda Snøfrida birra gii náitalii norgga gonagasain Harald Hårfagrin.

Mii sávvat buot min ovttasbargoguimmiide, lágideddjiie, eará verddiide ja min gehččiide buori ođđajagi! Sávvat maid bures boahtima dán jagi vuosttaš álgočájálmassii, ja dasa lea vejolaš dál juo oastit bileahtaid “Snøfrid” čájálmassii mas lea álgočájálmas ođđajagimánu 12. beaivvi. Čujuhit muđui min ollislaš 2018 prográmmii.