Gaskavahkku juovlamánu 10. B. čájeha Beaivváš čájálmasa “The Sound of Sápmi” Egil Keskitalo bokte, mii de galgá doarjut Mama Sara organisašuvnna skuvlahuksemiid guovlluin gos skuvla ja skuvlavázzin ii boađe nuvttá.

Gaskavahkku juovlamánu 10. B. čájeha Beaivváš čájálmasa “The Sound of Sápmi” Egil Keskitalo bokte, mii de galgá doarjut Mama Sara organisašuvnna skuvlahuksemiid guovlluin gos skuvla ja skuvlavázzin ii boađe nuvttá.

Beaivváš lea maid bovden fitnodagaid ja institušuvnnaid Guovdageainnus searvat dasa, ovttas Beaivvážin, ja skeŋket ruđa skuvlavisti huksemii. Leat skuvllavistit mánáide ja nuoraide  masaia birrasis Tanzanias, nammalassii Loliondo guovllus, mii lea dovddus Serengeti guovllus. Ruhta mii čoggojuvvo addo Mama Sara Education Foundation veahkkeorganisašuvdnii, mii de fas buot čoggon ruđa bidjat dien vissis bargui. Organisašuvnna policy lea ahte buot ruhta mii čoggo galgá ollislaččat mannat veahkkebargui(dá gurutbealde govva mii lea áitto váldon, čájeha skuvllavisttiid mat leat ceagganan daid maŋemus jagiid, bildekred. Mama Sara).

Go jo Skábmačuovggas ii šaddán

2009 rájes lea Beaivváš ovttasbargguin Guovdageainnu kulturskuvllain ja Dimitri joavkkuin dorjon skuvlavistihuksema Tanzanias, iežaset ovdajuovllaid čájálmasain “Skábmačuovggas”. Dán jagi ii lágiduvvo “Skábmačuovggas”, máŋggaid sivaid geažil, muhto aŋkke háliida Beaivváš doarjut skuvlavisti huksema – nu ahte dán jagi čájehuvvo čájálmas “The Sound of Sápmi” juovlamánu 10. Beaivvi, dii. 19:00 Kulturviesus, buot bileahtta dienas/sisaboahtu manna skuvlahuksemiidda. 2009 rájes lea Skábmačuovggas čohkken badjelaš 80 000 ruvnno skuvlavistihuksen bargguide.

Fitnodagat ja institušuvnnat maid servet

Beaivváš lea mot namuhuvvon, hástalan ja ávžžuhan fitnodagaid ja institušuvnnaid Guovdageainnus searvat, dainna vugiin ahte sii mákset 20 ru. juohke geahčči/vuvdon bileahta nammii – dasa lassin go Beaivváš skeŋke bileahttasisaboađu – ovttaskas olmmoš doarju de bileahttaoastima bokte, juohke okta gii oastá bileahta máksá 100 ru.. Kulturviesu sála čáhkkeha eanemusat 140 olbmo. Fitnodagat ja institušuvnnat besset/fertejit eanemusat máksit 2800 ru (20 ru x 140) ja ovttas bileahttasisaboađuin mii eanemusat lea 14 000, šattašii buorre ruhtasupmi – eará sániin, jus šaddá dievvá (buot bileahtat vuvdojuvvojit) ja o.m.d. 10 fitnodaga/institušuvnna servet, de dát addá dakkár rehketbihtá: 14000+(20x140x10)= 42 000 ru.. Fitnodagat ja institušuvnnat mat dassážii leat searvan oainnát das vuolábealde – mii ávžžuhit ja hástalit an searvat (sáddes E-boasta beaivvas@beaivvas.no dahje riŋge 78484460 , gaskkal dii. 09:00-15:00).

Samisk høgskole/Sámi Allaskuvla
Rema 1000
Maritex
Kauto Maskin
Freda
Juhls Silvergallery
Statoil Guovdageaidnu
Thon Hotels Kautokeino
GLR
Esso Guovdageaidnu
Abanti Design
Susanne Foto AS
(Beaivváš)

Mii ođasmahttit listtu dađistaga.

Jus eanebut háliidit searvat, riŋges Beaivvážii árgabeivviid gaskkal dii. 09:00-15:00 dahje sáddes E-boasta beaivvas@beaivvas.no šleađgabostii.

The Sound of Sápmi

Egil Keskitalo muittaša garra leaikkastallamin ja lávlumin sámi musihkahistorjja. Dás beasat vásihit dovddus sámi lávlagiid ja luđiid maŋemuš 50 jagi. Neavttár/čuojaheaddji: Egil Keskitalo – Giehtačálus: Egil Keskitalo & Sara Margrethe Oskal –  Bagadalli: Sara Margrethe Oskal – Giella: sámegillii – Bistá: sullii 50 min