Njuorju Niilá lea njuorjjočivga ja hui sáhkkii, son liiko čohkkát ja speadjalastit iežas jieŋas. Muhtin beaivvi boahtiba skávlliguovttos Biráš ja Boreš girddi. Soai dájuheaba Niilá iežaska mielde guhkás eret ruovttus, jiekŋaguovžža Gabbamuottá lusa, gii háliida njuorjjočivgga borrat. Ja Gabbamuoddá lea maid lohpidan oasi skávlliide. Muhto okta eará, guhte lea buot váráleamos ealli – Vuovdás Fáhkan – maiddái háliidivččii njuorjjočivggain reahttadit. Son lea juo ovddežis borran Niilá áhči. Guhkkin doppe dan stuora ábis ferte Niilá birget ieš okto. Son nu háliidivččii eatni lusa, go doppe lea buot buoremus eallit, muhto maid galgá go leat nu ollu várálaččat su birra. Ii oba soaitte ge vejolažžan?

Njuorju Niilá lea hearvás vilššas mánáid- ja bearaščájálmas. Bagadalli lea Haukur J Gunnarsson, ođđa šuoŋaid lea Halvdan Nedrejord čállán ja ovddolaš fiinna biktasiid lea Sara Kander hábmen. (Son lea maid hábmen biktasiid Stáinnak bihttái – 2012)

Čájálmas lea Frithjof Sælena girjji Snorre Sel vuođul buvttaduvvon ja maid Tine Thomassen lea dramatiseren. Girji almmuhuvvui 1941, go duiskkalaččat bákkuin márre riikii. Girji ii vákšojuvvon álggos, ovdal go fuobmáje ahte máinnas govahalai hui čielgasit historjjálaš dáhpáhusa: Njuorju Niilá leat “norgga dážat”, fáhkan Speažžán lea “duiskkalaččat”, jiekŋaguovža Gabbamuoddá lea “Sovjet-lihttu”, morša Skávžán -máhka leat “eŋgelasat” ja skávlliguovttos leaba “Quislingat”. Dá lea vuohččan Njuorju Niilá šaddá teáhterbihttán.

Vuosttaščájálmas Beaivvážis 6.3.2015. Čájálmas ii tekstejuvvon. Čájálmasa prográmma. Čájehuvvoi Davvi-Norggas, -Ruoŧas ja -Suomas, gittá 10.4.2015.

Čájálmasa dieđut

Čájálmasa prográmma

Dáiddálaš jođihanjoavku:

  • Dramatiseren Tine Thomassen
  • Bagadalli Haukur J Gunnarsson
  • Sámás Britt Inga M Vars
  • Lávdehábmen, bivttashábmen ja hámat Sara Kander
  • Komponista Halvdan Nedrejord
  • Koreográfa Elle Sofe Henriksen
  • Čuovgahábmen Steinar Lohne

Neavttárat:

  • Marte Fjellheim Sarre
  • Mary Sarre
  • Egil Keskitalo
  • Eirik Høie Mortensen
  • Heli Huovinen
  • Nils Henrik Buljo
  • Áilloš

Media/Preassa:

Govat leat oažžumis prentenkvalitehtas, deaddil gova, govva de ihttá stuoribut hámis, deaddil sáhpána olgeš boalu ja vállje de viežžat/vurket gova báikkálaččat.
Jus govva geavahuvvo, de galgá govvejeaddji Aslak Mikal Mienna gudnejahttojuvvot (krediterejuvvot), plakáhttagova lea Sara Kander ráhkadan.