Jus it beassán mannan čavčča geahččat talkshowa "Dá lean mun - This is me", de lea dus an vejolašvuohta go čájehuvvo fas, Guovdageainnus beassážiidáigge. Skilleduorastaga čájehuvvo bihtá sámegillii ja guhkesbearjadaga ges dárogillii.

Stop mobbing! Bisset givssideami!

Sámi Našunálateáhter Beaivváš čájeha talkshowa “Dá lean mun – This is me”, gos guossin lea garra sámi ráppar; SlinCraze (Nils Rune Utsi). Álgočájálmas lei mannan čávča ja čájálmas lea čájehuvvon birrasit 40ot geardde ohppiide nuoraid- ja joatkkaskuvllain min davimus fylkkain. Maiddai Čáhcesullo giddagasas besse vásihit dán čájálmasa. Jus it beassán mannan čavča geahččat dán talkshowa de lea dus an vejolašvuohta go de čájehuvvo fas, Guovdageainnus beassážiidáigge. Skilleduorastaga čájehuvvo bihtá sámegillii ja guhkesbearjadaga ges dárogillii.

Sámi Našunálateáhter Beaivvážis eat dohkket givssideami ja hárdima. Mii fertet ovttas hehttet ahte givssideapmi bohciida ja ahte dat bissu. Givssideapmi ja árdin lea juoga mii čuohcá midjiide buohkaide, muhto ii dien váttisvuođa sáhte ovttaskas oahppi dahje boavji gálgat – dan ferte čoavdit servodagas; ovttasbargguin gaskkal ruovttu, skuvlla, skuvlaastoáiggeortnegiin, nuoraidklubbain, faláštallanjoavkkuin jna.

Giehtačálus: Rawdna Carita Eira, Nils Rune Utsi

Bagadalli: Rolf Degerlund

Neavttárat: Mary Sarre, Anja Saiva Bongo Bjørnstad, Nils Rune Utsi

Čuojaheaddji: Roger Ludvigsen

Lávdehábmejeaddji: Ole Thomas D. Nilut

Goarru: Ann Majbritt Eriksen

Čájálmasteknihkar: Olav Johan E

Gráfalaš hábmejeaddji: Kerstin Andersson

Govvejeaddji: Pug Life Management/Lise Viktoria Tatiana

Fritt Ord lea dorjon čájálmasa ruđalaččat.