Eearenoamáš fiinna Rievssatčivga, nu čállá Ságat aviissa árvvoštalli maŋŋel álgočájálmasa. Sámi Našunáláteáhter Beaivváš lea ilus go mis fas lea čájálmasa mii heive buohkaide; sihke nuoraide, rávisolbmuide ja earenoamážit min nuoramusaide. Guovdageainnus ledje gaskal 4e ja 500is geahččame čájálmasa! Ja dál leat gergosat johtát "Rievssatčivggain" ja vuosttaš bisáneapmi lea Kárášjogas.

Ollu mánát ja rávisolbmot leat juo leamaš geahččame ođđa máinnasčájálmasa “Rievssatčivgga” ja Sámi Našunálateáhter Beaivváš lea ilus ja movttet buot buriid árvvoštallamiid ovddas maid geahččit leat addán. Ja mii leat earenoamaš ilus ja rámis go beassat čájehit áibbas ođđa sámi máidnasa! Sihke mánát, rávisolbmot ja árvvošallit leat bures vuostáivaldan čájálmasa mas beassat čuovvut Rievssatčivgga go vuolgá ohcat iežas čáppá ivnniid mat leat jávkan. Vuolgge don nai fárrui ohcat!  Bures boahtin čájálmassii Kárášjogas cuoŋománu 19. ja 20. beaivvi. Ovdalaš čájálmasa lea vejolaš oastit girjji/jietnagirjji “Rievssatčivgga” birra man Bárus lágádus lea almmuhan. Teáhterbileaha sáhttá oastit dás: www.beaivvas.no

Rievssatčivga (Iŋgor Ántte Áilu Gaup) & Buolašáddjá (Egil Keskitalo)