Foto/Govven: Espen Storhaug
Cecilia Person

Åarjelhsaemien Teatere ja Davvi-Trøndelaga Teáhter leaba ovttas buvttadan teáhterčájálmasa dán sámi nissonolbmo birra gii rasttidii máŋggalágaš rájiid. Dasa lassin lea Nordland Teáhter maid oasálastán čájálmasmátkkošteamis ja teknihkalaččat. Finnmárkku čájálmasmátki čađahuvvo Beaivváš Sámi Našunálateáhtera ja Kultuvrralaš skuvlalávkka olis.

Elsa Laula lea ovdagovvan, ii fal dušše sápmelaččaide, muhto maiddái earáide, dievdduide ja nissoniidda. Son ii beroštan nihttámušaiguin ja dain mat gilve bahás ságaid su birra, muhto baicca barggai vel garraseappot sámeáššiid ovddideamis, dadjá Åarjelhsaemien Teatere teáhterhoavda Ada E Jürgensen. Čájálmas lea ruoŧagillii.

Govat (Åarjelhsaemien Teatere siiddus).

Flyer/diehtočálus Elsa Laula 2013