Dal lea maid čihččet revyčájálmas geavvan dohko gosa dat guhtta ovdal, nammalássii vuorkái.

Anja Saiva Bjørnstad Bongo, Ingá Márjá Sarre, Mary Sarre, Egil Keskitalo

Giđđadulvi VII revyčájálmas loahpahuvvui Balloŋŋat bávkkehit lávlagiin, seammás go neavttárat áibbas loahpas lávlagis maid bávkkehit balloŋŋaid. Ja bearjadaga miessemánu 25. B. dahpahuvvui dát maŋemus geardde obanassiige, de oainnát čájehuvvui maŋemus Giđđadulvi VII revyčájálmas. Govas oaidnit ge go maŋemus njeallja balloŋŋa bávkkehit.

Maŋemus čájálmasas, mii lei Alfreds Kro:as Guovdageainnus, ledje olu olbmot, čájálmas lea muđuige leamaš bivnnut. Revyčájálmas čájehuvvui 10 geardde. Livččii galgan čájehuvvot 11 geardde, muhto čájálmasas mii galggai čájehuvvot Leavnnjas ii šaddan mihkke. Girdi mii galggai neavttáriid, musihkkára ja teknihkkára doalvut Oslos Levdnjii, fertii divuhussii, ja de nu maŋŋonii nu sakka ahte ii lean eará vejolašvuohta earret go šluhttet plánejuvvon čájálmasa. Giđđadulvi VII finadiige maid Oslos Sámi viesus, muđui Romssa, Olmmáivákkis, Ohcejogas ja vel báikkiin Finnmárkkus.

Goas VIII buvttaduvvo, na, soames giđa áibbas sihkkarit, muhto nu mot dássážii, de ii dieđe makkár jagi.

Dás oainnát man birra lei, jus dal ledje nu jalla it ge fitnan geahččame.

Anja Saiva Bjørnstad Bongo, Ingá Márjá Sarre, Mary Sarre, Egil Keskitalo
Anja Saiva Bjørnstad Bongo, Ingá Márjá Sarre, Mary Sarre, Egil Keskitalo