Aitto gullostii ahte Sámi Našunálateáhter lea nammaduvvon Hedda-bálkkašupmái, Norgga deháleamos teáhterbálkkašupmi, kategoriijas “dán jagi čájálmas”. Ja dal sotnabeaivvi 12. B. beassat ge de diehtit šaddá eanet go nammadeapmi.

Dás moadde vahkku dassái gullostii ahte Beaivváš Sámi Našunálateáhter lei nammaduvvon dán jagi Hedda-bálkkašupmái, Norgga deháleamos teáhterbálkkašupmi, kategoriijas “dán jagi čájálmas”, čájálmasain “Vidas Extremas». Ja dal hui fargga diehtit šattai go das eanet go dušše nammadeapmi, go dal sotnabeaivve 12. B. almmuhuvvon ja geigejuvvo Hedda-bálkkášupmi vuittiide Nationaltheatret:is Oslos. Teáhterhoavda teáhteris Rolf Degerlund lea Oslos sotnabeaivvi ja soaitá ge de doppe jo oažžut hui buriid ođđasiid, muhto son oaivvildage ahte “teáhter jo lea vuoitán go lea nammaduvvon”.

Lassin teáhtera nammadeapmái, maya-sámi-dáro čájálmas “Vidas Extremas – dánsa eallima ravddamusas”, leat njeallja eará čájálmasa maid nammaduvvon seamma bálkkašupmái. Dá govas teáhterhoavda Rolf Degerlund go čuččoda dan mii duođašta dan áidna Hedda-bálkkašumi teáhter, obanassiige lea ožžon, nammalássii jagi 2000is, kategoriijas “buoremus lávdi ja biktasat”, čájálmasas “Vølundda muitalus”, čálli Adam Levine. Dalle 2000is lei Biret Maret Hætta bivttashábmejeaddji ja Aage Gaup fas lávdehábmejeaddji. Dán háve leat buot neavttárat, dáiddalaš jođihanjoavku ja olles teáhter, ovttas ovttasbarggubuvttadeddjiiguin ja buohkat buvttadusas, geat lea nammaduvvon ja geat soitet geahččat bearrái ahte ođđa Hedda statueahtta darvvihuvvo betoŋgaseaidnái suohkanlaš kulturvissui Guovdageainnus, gos Sámi Našunálateáhter doallá viesu.

Bálkkašumigeigejupmi álgá sotnabeaivvi 12.6. dii. 17:00 Nationaltheatret:is Oslos ja bistá sullii diimmu ja golbma kvárta. Geigejupmi čájehuvvo videonjuolggosáddaga bokte, geahča www.heddaprisen.no siidduin. Dá govat čájálmasas mii lea nammaduvvon. Eanet dieđut čájálmasa birra gávnnát das. Dá lea govva čájálmasas.

Ludwing Isaac Chicohay Mejía ”Zupa”, Áilloš (foto/govven: Aslak Mikal Mienna)
Ludwing Isaac Chicohay Mejía ”Zupa”, Áilloš (foto/govven: Aslak Mikal Mienna)