Jallas stállu – Iŋgor Ántte Áilu Gaup

Jon Niillas lea olgun buđaldeame, go de deaivvada njoammelčivggain mii gal ii bala Jon Niillasis, muhto baicca stoahkagoahtá suinna. Njoammelčivga ain njuikula go Jon Niillas lahkonaddá. Nie soai stoahkaba, ovdal go njoammelčivga jávkkeha. Lei juo sevnnjodišgoahtán ja Jon Niillas lea nu guhkas čuvvodan njoammelčivgga ahteson ii šat deaivva ruoktot. Son čuorvugoahtá eatni ja áhči, muhto eaba soai gula. Jon Niillas čierru, lea váiban ja čuorvu nu jitnosit go nagoda, ja de gal lea muhtin gii gullá su! Stállu!

Lávvorikkiin, bumpadievvá dávviriiguin ja reaidduiguin, govvamále- ja neaktideddiin Iŋgor Ántte Áilu Gaup dahje Áilloš máidnu ieščállon Jallas Stálu muitalusa unnimusaide. Rikki oktan eará muitalusgaskaomiiguin son álkit mátkkošta ja ceggesta máinnaslávddi dohko gos mánát háliidit gullat ja oaidnit miellagiddevaš ja gelddolaš muitalusa. Čájálmas heive mánáide mat leat nie sullii gaskkal 4 gitta 8 jagi ja bistá sullii kvárta. Čájalmas lea sámegillii.

Čálli ja muitaleaddji: Áilloš

Bagadalli: Rolf Degerlund

Hábmen ja ráhkadan visuála govahallama: Bernt Morten Bongo

Álgočájálmas miessemánu 2. B. Álttás

(Sáhttá diŋgojuvvot)

Govat čájálmasas (govvejeaddji Aslak Mikal Mienna):