Disdaga 6.3. bođii aitto nammaduvvon kulturministtar Sámi Našunálateahtera guossái. Sihke teáhter ja ministtar oaivvildeigga ahte lei mávssolaš deaivvadeapmi.

Govven: Aslak Mikal Mienna
Samedikkipresideantta Aili Keskitalo, kulturministtar Trine Skei Grande, teáhterhoavda Rolf Degerlund

Sámi Našunálateáhter lea guhka bargan ollašuhttit niegu oažžut ođđa teáhtervisti. Ii hal niehku gal ollašuvvon dal disdaga njukčamánu 6. B., muhto árvideames vuolggahuvvui ášši unnit eanet rievttes guvlui, go de finai aitto nammaduvvon kulturministtar Trine Skei Grande guossis ja beasai ieš oaidnit dan maid teáhter máŋgga geardde lea geahččalan ruhtadeaddjieiseválddiid ipmirdit, ahte; dálá heajos viessodilli mii teáhteris lea, ja gos buvttaduvvo teáhter olles Sápmái.

Teáhter lea máŋggaid jagiid geahččalan oažžut fuomášumi departemeanta- ja ministtardásis teáhterviessodilálašvuhtii ja lea ge de dovdán ahte dát ii leat dáhpáhuvvon. Muhto de dal gal dán galledeami geažil, de illuda ge teáhter ja teáhterhoavda Rolf Degerlund stuorrát, guhte aŋkke ipmirdit ahte leat an barggut ášši dáfus, muhto ahte dát galledeapmi, ovttas Stuoradikki kulturkomitea galledeamis dá moadde vahkku dassái, čájeha ahte dal lea beroštupmi geahččalit ollašuhttit nieguid. Kulturministtar, guhte lea gullan teáhtera heajos viessodili birra ovdal ja mii maiddái lei ágga fitnat guossis, ii sáhttán gal lohpidit maide, muhto oaivvildii ahte lea dehálaš sutnje boahtit ieš geahččat ja oaidnit ja maiddái deaivvadit singuin geat barget teáhteris (geahča jearahallama kulturministtarin ja teáhterhoavddain dás vuolábealde).

Čoahkkin teáhteris, Guovdageainnu kulturviesus, bisti moadde diimmu. Kulturministtar beasaige iežas veagain, ja sámediggepresideanttain Aili Keskitalo guhte maid searvvai, sihke oaidnit ja gullat dilis, ja de loahpahuvvui ge de deaivvadeapmi biđusin maid Sámi joatkka- ja boazodoalloskuvla guossohii.

Geahča videobihtáža mii čájeha oasáža galledeamis ja vel oasi jearahallamis maid kulturministtar ja teáhterhoavda attiiga (jearahallan maid NRK Sápmi dagai).

Dá muhtin govat deaivvadeamis.