Sámi Našunálateáhtera Pippi Langstrømpe veršuvdna čájehuvvui maŋemus geardde, dát dáhpáhuvai teáhtera ruovttubáikkis, Guovdageainnus. Measta buot stuolut Guovdageainnu kulturviesus ledje váldon, ja na de loahpahuvvui Pippi Nallesuohkku hui finat ja vuohkkasit.

Maŋŋel maŋimus čájálmasa/Etter siste forestilling – Pippi & co. med barna/mánáiguin

Golggotmánu 5. B. čájehii Sámi Našunálateáhter iežas Pippi-veršuvnna vuosttaš geardde. Dan rájes lea čájálmas čájehuvvon viidát ja govdadit Sámis. Ja skábmamánu 5. B. čájehuvvui maŋemus  čájálmas, nu maiddái Guovdageainnus, gos teáhter doallá viesu. Ja nu mot jo buot čájálmasat mátkkis, de maŋemus čájálmas gesii maid olu olbmui, go čájálmas lei meastá dievvá.

Marte Fjellheim Sarre (Pippi) lea ovttas ea. ea. Sarakka Gaupain (Tommi) ja Anja Saiva Bongo Bjørnstad (Annika), dá bajábealgovas lávderavddas, leat ovttas ensemblen leamaš mearehis bivnnuhat. Buot čájálmasaiguin olles čájálmasmátkkis leat leamaš olu olbmot. Muhto de dal gaikkoduvvo Villa Villakulla maŋemus geardde, ja dán bokte lea de Pippi čájálmasráidu nohkan, na goit dán háve.

Dáppe leat dieđut ja govat ja eará čájálmasas.

Dát leat áššit maid mii leat čállán ruovttusiidui

Pippi ensemble