BabyOpera ovttasbarggus Sámi Našunálateáhter Beaivvážin čájeha MAGO – dánsunčájálmas mii heive mánáide 0 jagi rájes.

  • Bagadalli: Christina Lindgren
  • Koreográfa ja dánsár: Hyun Kim
  • Čuojaheaddji: Torgeir Vassvik

Mago cukca lea máilmmi sivdnideami máinnas Kwanbuk -guovllus otnáš Davvi-Koreas. Cuvccain muitaluvvo jiehtanas sturrosaš nissonipmila guhte namuhuvvo Mago Áhkkun. Mago lea son guhte eatnan alde ráhkada buot geologalaš hámiid stánžžis, báktešlájain ja iežas cissas ja baikkas. Máilmmi sivdnideami máidnasat leat áiggiid čađa leamaš vuohki dasa go mii galggašeimmet ipmirdit mot máilbmi ráhkaduvvui. Otnáš dilis leat iešguđetlágaš dieđalaš teoriijat dan birra, muhto liika mii imaštallat. Duiska fysihkar Max Planck navdo leahkit son guhte čálii kvantefysihkka teoriija birra ja celkkii: Diehtagiin ii sáhte čoavdit duohtavuođa ipmaša čuolmma luonddus. Dannego loahpaloahpas leat mii ieža oassin dan ipmašis maid mii geahččalit čoavdit. Seammasullasaš dása lea maiddái mot mánát sahkanit ja mot sii šaddet danin go sii leat. Mii diehtit lunddolaš dieđačilgehusain mot sahkkehus dáhpáhuvvá, mot dat árbbálašvuohta ja biras mearrida geanin mii šaddat. Almmatge eat ipmir – juohke áidna mánná lea imašlaš. Danne dárbbahit poesiija, govaid, musihka ja dánsa govahallat, niegadit dáid birra ja ávvudit ipmaša. Mii fertet neavttašit sivdnideami ipmaša!

Credits: http://www.babyopera.no/mago/ - Gjestespill/guossečájálmas
MAGO – dánsunčájálmas mánáide

Čájálmasat, bileahtat ja áigi

Bill haddi 100 ru – (eanemusat 50 bileahta juohke čájálmassii) (maks 50 billetter pr. forestilling). Oastte bileahta, deaddil čájálmasbáikki dás bajábealde.

Čájálmas bistá su. 25 minuvtta / Forestillingen varer i ca. 25 minutter.