Giđđadulvi VII revyčájálmas mátki lea dal nohkame. Maŋemus čájálmas lea Guovdageainnus bear. 25.5. - gánnáha oastit bileahtaid ovdagihtii dan sadjái go uvssa, lea hálbbibut.

Mary Sarre, Ingá Márjá Sarre, Egil Keskitalo – Giđđadulvi VII

Giđđadulvi VII revyčájálmasráidu lea áibbas maŋemus oasis, maŋemus čájálmas lea Guovdageainnus bear. 25.5. – gánnáha oastit bileahtaid ovdagihtii dan sadjái go uvssa, lea hálbbibut. Dáppe sáhtát bileahta oastit ovdagihtii.

Čájálmasmátki lea mannán bures, muhto okta šluhtten gal dáhpáhuvai – Leavdnja čájálmasas 18.5. ii šaddan mihkke go girdi mii galggai ensemble doalvut Oslos Levdnjii, fertii divohussii, boađus dás lei ahte neavttárat eai ollen áigái Levdnjii. Muđui lea čájálmasmátkki mannan bures. Ja dal lea ge fargga somás revyčájálmas historjá, go čájehuvvo maŋemus geardde, miessemánu 25. b., Guovdageainnus Alfreds Kroas.

Eanet dieđut čájálmasa birra.