Dál eai leat galle beaivvi ovdalgo beassat ovttas ávvudit Troandimis, gosa sápmelaččat miehtá sámi fas čoahkkanit 100 jagi maŋŋel dan vuosttaš čoahkkima mii dollui juste fal Troandimis. Ja mii illudit ávvokonsertii Jielemen Aavoe mas beassat vásihit sihke čáppa lávddi, čáppa šuoŋaid, čáppa - muhto maid duođalaš sániid ja čeahpes dánsejeddjiid.

Ávvokonsearta Jielemen Aavoe čájehuvvo vuosttaš geardde Sámi nášunalbeaivvi dii. 17 – ja dán čájálmassii leat juo buot bileahtat vuvdon.

Muhto ávvokonsearta čájehuvvo nuppes dii. 20 seamma eahkeda, Olavshallenis Troandimis. Ja vel goalmmes Bådodjos – Stormen kulturviesus, gaskavahku guovvamánu 8. beaivvi. Bileahta oastát olavshallen.no ja stormen.no neahttasiidduin.

Sámi Nášunalteáhter Beaivváš sávvá buohkaide buresboahtima Jielemen Aavoe (eallima ávvu) ávvokonsertii man dramatihkár Rawdna Carita Eira lea čállán ja mas Frode Fjellheim lea musihkalaš jođiheaddji.