“Mun lean duhát jagi” lea Giron Sámi Teáhtera, Beaivváš Sámi Našunálateáhtera, Dramaten, Norrbottensmusiken ja Norrlandsopera oktasašbargu Rock-Art in Sápmi prošeakta oktavuođas, mii lea oassin Upmi Eurohpalaš Kulturoaivegávpot 2014:s. Álgočájálmas lea Norrlandsoperas njukčamanu 5. beaivvi 2014, ja de álgá čájálmasmátki sihke Ruoŧa-, Suoma- ja Norgga bealde sámis.

Čájálmasa birra:

“Báktegovvosat čullojuvvon máŋggaid duháhiid jagiid áigge. 900 jagi arábialaš mintta davvisámi bálvvosbáikkis. Okta sámenieida dagaha leahtu kristtalaš miššuvdnabargui davvin, ja sámi báhpabárdni gii ádelastto ja hehtte muhtin namuhuvvon noiddiid boldojuvvot dolas.

“Jag är tusen år/Mun lean duhát jagi” lea gelddolaš musihkalaš mátki áiggiid čađa mii govvida movt sámi historjá čadno oktii ruoŧa historjjáin, ja mii duođai dáhpáhuvai go máŋggaid čuohtejagiid verddevuohta vajálduvvui, dan sivas go ruvkedoaimma – industriija leavai Sápmái. Čájálmasas muitaluvvo sámi kultuvrra ja stuoraservvodaga iešguđetlágan dáhpáhusat gološ áiggi rájes otnážii, ja gaskkohagaid musihkain čanastumiid áiggiid mielde.

“Jag är tusen år/Mun lean duhát jagi” govvida Sámi álbmoga árbevirolaš historjjá ja jurddašanvuogi, dan seammás go čájeha ođđa buolvva jurddašanvuogi. Historjá muitaluvvo luđiiguin, lávlagiiguin, musihkain, dánsemiin ja neaktimiin.

Giehtačálus/Manus: Erik Norberg
Bagadalli/Regi: Lena Engqvist Forslund
Lávdehábmen/Scenografi: Ulla Dahlström
Bivttashábmen/Kostymer: Britta Marakatt-Labba
Koreográfa/Koreografi: Elle Sofe Henriksen
Musihkka/Musikk: Svante Henrysson
Čuovgahábmen/Lysdesign: Erik Nordlander
Jietnahábmen/Lyddesign: Anders Rimpi
Videohábmen/Videodesign: Liselotte Wajstedt

Neavttárat/Skuespillere:

Kicki Sevä Bramberg, Nils Henrik Buljo, Leammuid Biret Ravdna, Marja Lisa Thomasson,
Paul Ol Jona Utsi & Henrik Gustafsson.

Diehtočálus Mun lean duhat jagi

Čájálmas lea ruoŧa- ja sámegillii (davvi ja lullisámegillii), lea tekstejuvvon. Heive nuoraide ja rávisolbmuide. Bistá sullii 2 diimmu oktan bottuin/Forestillingen er på svensk og samisk (nord- og sørsamisk), er tekstet. Passer ungdom og voksne. Varighet ca. 2 timer med pause.

Preassagovat govven Hans Olof Utsi. Govat leat oažžumis prentenkvalitehtas, deaddil gova, govva de ihttá stuoribut hámis, deaddil sáhpána olgeš boalu ja vállje de viežžat/vurket gova báikkálaččat. Jus govva geavahuvvo, de galgá govvejeaddji gudnejahttojuvvot (krediterejuvvot),