Beaivváš lea Roger Ludvigsen:a musihkka- ja jietnahábmema bokte ja Kurt Hermansen:a čuovgahábmema bokte, čájálmasas “Ridn’ oaivi ja nieguid oaidni”, nammaduvvon Hedda-bálkkašupmái, nammalassii bálkkašumi “buoremus audiovisuála hábmema” oasis.

Nils-Henrik Buljo (og øvrige)Beaivváš lea Roger Ludvigsen:a musihkka- ja jietnahábmema bokte ja Kurt Hermansen:a čuovgahábmema bokte, čájálmasas “Ridn’ oaivi ja nieguid oaidni”, nammaduvvon Hedda-bálkkašupmái, nammalassii bálkkašumi “buoremus audiovisuála hábmema” oasis. Čájálmasa lea Nils Aslak Valkeapää čállán ja Haukur J. Gunnarsson lea fas bagadan.  Čájálmas čájehuvvui vuohččan 2007, nuppes go fas buvttaduvvui lei fas diibmá, 2013, de čájálmas jođi viidát, finadii ea. ea. Jápanas. DAT o/s lagadus lea čájálmasa musihkka lea almmuhan CDa bokte, ovttasbarggus Beaivvážin (govva diimmaš čájálmasas, buot govat dán áššis lea Aslak Mikal Mienna govven).

Beaivváža teáhterhoavda Haukur J. Gunnarsson lea dieđusge hui duhtavaš nammademiin: “Dát lea fas okta duođaštus dasa ahte Beaivváš lea profešunealla ja dáiddalaččat nanu teáhter. Čájálmas mii lea nammaduvvon buoremus audiovisuála hábmema ovddas, sáhttá gohčoduvvot Beaivváža signálačájálmassan.” Beaivváš lea dal goalmmát jagi nammaduvvon bálkkašupmái ja leat maid ovdal ožžon bálkkašumi, dalle buoremus lávde- ja bivttashábmema ovddas, jagi 2000. Geahča o.m.d. dán ášši, mii lei diimmaš nammadeami birra, dahje dán ášši, mii fas lei 2013is.

EnsembletRoger Ludvigsen

Roger Ludvigsen lea máŋggaid instrumeantalistta , komponista ja buvttadeaddji ja orru Guovdageainnus. Son lea čuojahan ovttas Mari Boiniin 25 jagi ja mátkkoštan miehtá máilmmi eará artisttaiguin  nugo Nils Petter Molvær, Sissel Endresen, Inga Juuso, Jan Gunnar Hoff j.e. Soai leabba Mari Boiniin ožžon 3 Spellemann bálkkašumi ovttas, vuostáváldán Edvard-bálkkašumi Ayra Leena teáhterbihtá ovddas 2001, Áillohaš bálkkašumi 1997, ja lei Davvi Norgga riemuid dáiddár 2005 (Roger Ludvigsen lei maid leamaš čuojaheaddji čájálmasa čájálmasmátkkiin, ea. ea. diibma, dá diibma govvejuvvon ovttas muđui ensemble:in, Ludvigsen lea goalmmat gurutbeal rávddas, maŋabealde).

Kurt Hermansen

Kurt Hermansen lea bargan čuovgahábmemiin badjel 30 jagi. Son lea earret eará bargan Nationaltheatretis ja Riksteatretis, eanas guovlluteáhteriin ja dasa lassin vel friddjajoavkkuin. Son lea maid bargan ođđaáigásaš dánsa, dáiddačájáhusain, dáiddalaš čiŋahemiiguin, dávvirvuorkkáin, konsearttain, ja dasa lassin iežas čuovgaprošeavttaiguin gávpotbirrasiin ja luonddus. Kurt Hermansen lei mielde álggaheame Beaivváš Sámi Našunálateáhtera 1980 álgogeahčen ja son lei maid oassin hovdenjoavkkus teáhtera geahččalanáigodagas loahpageahčen 80-logu.

Bálkkášupmi geigejuvvo Nationaltheatret:is váldolávddis geassemánu 15. B., sotnabeaivvi, dii. 17.00. Dán vissis čájálmasa govat leat gávdnamis dáppe. Dáppe fas eanet dieđut Hedda bálkkašumi birra (lea dušše dárogillii).

Čájálmasa almmolaš prográmma diibmá lea viežžamis dáppe,  lea pdf-hámis. Musihkka bihtážat leat fas das gullamis. Dán áššis min neahttasiiddus leat ábas dieđut ja čujuhusat muđui, guoskevaš diimmáš mátkái.