Lullisámiid teáhter Åarjelhsaemien teatere čájeha vuohččan daid beivviid mánáidčájálmasa gos dovddus karaktevra Plupp lea guovddážis, Sámi Našunálateáhter lea mielbuvttadeaddji. Dovddus “Beaivváš” ámadajot leat oaidnimis, lávddis. Ja ea. ea. bagadallistuolus

Marte Fjellheim Sarre (buoidda/Tjeske), Nils Rune Utsi (goddesáhpán/ Slamma), Hilde Stensland (Plupp)
Marte Fjellheim Sarre (buoidda/Tjeske), Nils Rune Utsi (goddesáhpán/ Slamma), Hilde Stensland (Plupp)

Lullisámiid teáhter Åarjelhsaemien teatere:is lea daid beivviid álgočájálmas mánáidčájálmasas go deaivvadit dovddus karaktevrrain Plupp:ain, namalassii lávvordaga 29.10.. Álgočájálmas lea teáhtera ruovttobáikkis, Mo i Ranas, doppe gos sii dálostallet, Nordland Teatera luhte. Inga Borga dovddus Plupp lea ovdal, máŋggalot jagi, eanemusat dušše leamaš oidnosis čábbát tevdnejuvvon girjjiin, muhto dal lea lullisámiid teáther ožžon lobi girječállis váldit Pluppe teáhterlávdái. Estrad Norr lea ovttas teáhterin buvttadusa váldobuvttadeaddji. Sámi Našunálateáhter lea fas mielbuvttadeaddji, ovttas Nord Universitetain.

Nils Rune Utsi, bagadalli/regissør Haukur J. Gunnarsson, Hilde Stensland, Marte Fjellheim Sarre
Nils Rune Utsi, bagadalli/regissør Haukur J. Gunnarsson, Hilde Stensland, Marte Fjellheim Sarre

Oahpes olbmot buvttadusas

Dovddus “Beaivváš” ámadajot leat oaidnimis lávddis. Ja maiddái bagadallistuolus. Nils Rune Utsi lea ovdal leamaš guovtti Beaivváš buvttadusain, maŋemusat Vidas Extremas čájálmasas ja maiddái Silbajávri čájálmasa ja Marte Fjellheim Sarre lea fas neaktán Njuorju Niilá čájálmasas, doppe lei su váldorolla. Ja bagadalli lea ovddeš máŋgga jagi badjel teáhterhoavda Haukur J. Gunnarsson. “Plupp” čájálmasas lea Hilde Stensland ieš Pluppe (buot namuhuvvon olbmot leat govas das bálddas – buot govat, Bjørn Leirvik).

Pluppčájálmasas leat maid máŋggas earát ovdal leamaš iešguđege Beaivváš buvttadusain, nu mot giehtačálusčálli Cecilia Person (Allaq čájálmasas) ja maiddái Plupp čájálmasa šuokŋadahkki, Frode Fjellheim (lei šuokŋadahkki Skoavdnji čájálmasas). Ja nu lea maid bivttas- ja hámahábmejeaddji, Sara Kander (son lei seamma ámmáhis Beaivváš čájálmasain Stáinnak ja Njuorju Niilá, goappašagat mánáidčájálmasat).

Maŋŋel álgočájálmasa johtá čájálmas iešguđege báikkiin lullisámiid guovllus, álggus norgga bealde, ja de maŋŋel juovllaid, ruoŧabeale, ja maiddái Stockholmas. Lea plánejuvvon mátki davvisámi guovllus maid, muhto ii leat mearriduvvon das vel mihkke.

Eanet dieđut Plupp birra, geahča dán faktasiidu.

Plupp©Inga Borg
Plupp©Inga Borg