Go nahkeha sámi stuorámus dihpiid, de lea neavttár Sara Margrethe Oskal gearggus skelbmošit gehččiiguin. Dál son johtigoahtá ovttasráđiin Beaivváš Sámi Našunálateáhterin čájálmasain Guksin Guollemuorran mii lea aittobáliid veardiduvvon internašunála alladásat teáhterčájálmassan.

Photo: J. R. Valkeapää
Sara Margrethe Oskal

Go nahkeha sámi stuorámus dihpiid, de lea neavttár Sara Margrethe Oskal gearggus skelbmošit gehččiiguin. Dál son johtigoahtá ovttasráđiin Beaivváš Sámi Našunálateáhterin čájálmasain Guksin Guollemuorran mii lea aittobáliid veardiduvvon internašunála alladásat teáhterčájálmassan. 

 Deaddil gova das olgešbealde dahje vuolábealde, ja stuorit ihttá. Lea nuvttá geavahussii mediai, dieđusge krediterema vuosttá: Guksin guollemuorran/John Rickard Valkeapää.

Gieđahallá tabuáššiid

 Bihttás cuiggoda son tabuáššiid man birra dušše skealmmat dustet leaikkastallat. Oskal muitala juoigamin ja muitalusaiguin Biiggá fearániid, hearggi Boazobánni birra guhte lea báhtaran njuovahagas, ja heavskkálaš 106- jahkásaš Ágona fearániid.

Photo: J. R. Valkeapää
Sara Margrethe Oskal

 Skealbmadoavttir neaktá sámegillii ja dárogillii oktanaga, ja mot dan dahká, fertet boahtit geahččat. Ja nu mot skealbma galgá bargat, de son “bahča” bajás ja ii vulos – skealbma bealista singuin geat eai leat ámmátlaččat bajimusas servvodagas.

Mátki:

Buot álgá Romssas, guovvamánu 5. Beaivvi, dii. 18.00. Sara Margrethe Oskal vuolgá humorin ja luđiin fitnat daid báikkiin:

Romssa,bearjadaga  05.02. dii. 18:00 Teaterkafeas Hålogoland teateri
Olmmáivággi,  Sámi álbmotbeaivi, lávvordaga 06.02. dii. 18:00 Nisga`a
visttis
Vuonnabahta,  disdaga 09.02. dii. 19:00 Servodatsal
as
Deatnu, gaskkavahkku 10.02.dii. 19:00
Birasvisttis
Ohcejohka, duorastaga 11.02. dii. 19:00 (
suoma áigi)  Ohcejohtnjálmmi skuvla
Kárášjohka, bearjadaga 12.02.dii. 19:00
Kulturvisttis
Guovdageaidnu,  sotnabeaivve 14.02. dii. 18.00 LES-viesus

Sara Margrethe Oskal:

Son lea aittobáliid čađahan dáiddalaš dutkanbarggus ”Sámi skelbmošeapmi muitaleamis ja juoigamis ja ođđaáigge lávdedáidda” Oslo Dáiddaallaskuvllas. Son lea muđui vázzán Helssega teaterallaskuvllas, oassálastán neavttárin sihke teáhterčájálmasain, TVas ja filmmain, ja son lea maiddái teakstačálli. Guksin Guollemuorran lea aittobáliid Oslo Dáiddaallaskuvlla bealis, Asko Sarkola, Hanne Tømta ja Nils Gaup bealis, veardiduvvon internašunála alladásat teáhterčájálmassan.