Sámi ráppar SlinCraze ii dohkket givssideami, son lea maid ieš vásihan dan ja dán fuomášuhttá son ráptalkshowas «Dá lean mun”/”This is me”. Showa čájehuvvo guktii beassážiid.

Nils Rune Utsi/SlinCraze, “Dá lean mun”/”This is me” (govven: AMMienna)
Mary Sarre, “Dá lean mun”/”This is me” (govven: AMMienna)

Sámi ráppar Nils Rune Utsi, SlinCraze, oassálastá dávjá servodatdigaštallamis ráppa-musihkainis. Givssideapmi lea fáttá mii duos dása ilbmá su teavsttain. Ja dát lea ge maid guovddážis go ráppar muitala iežas vásáhusaid, dalle go ieš šattai gillát ja go dal ii šat dohkket dan, čájálmasas “Dá lean mun”/”This is me”. Čájálmas lea talkshowhámis, neavttár Mary Sarre lea showa doalli. Dán musihkalaš talkshowas muitala SlinCraze iežas muitalusa, maiddái musihkain; ovttas musihkkáriin Roger Ludvigseniin son ráppe máŋgii.

Vaikko čájálmas gieđahallá duođalaš fáttaid, de lea maid čájálmasa maid olu somá. Ja dieđusge, muhtin guossit maid, earret SlinCraze, ea. ea. Nils Rune Utsi ovddeš oahpaheaddji (neavttár Anja Saiva Bongo Bjørnstad bokte).

Nils Rune Utsi/SlinCraze, Anja Saiva Bongo Bjørnstad, “Dá lean mun”/”This is me” (govven: AMMienna)

Čájálmas, dahje talkshowa, lea Beaivváš Sámi Našunálateáhtera čájálmas, ja lea oaidnimis guktii beassážiid – skilleduorastaga čájehuvvo čájálmas sámegillii ja guhkesbearjadaga fas dárogillii. Goappašat beaivvi dii. 18:00 Guovdageainnu kulturviesus. Dás sáhtát oastit bileahta.

Álgočájálmas lei mannan čavčča ja čájálmas lea čájehuvvon birrasit 40ot geardde ohppiide nuoraid- ja joatkkaskuvllain min davimus fylkkain. Maiddai Čáhcesullo giddagasas besse vásihit dán čájálmasa.

Nils Rune Utsi/SlinCraze, Mary Sarre, “Dá lean mun”/”This is me” (govven: AMMienna)
Nils Rune Utsi/SlinCraze, “Dá lean mun”/”This is me” (govven: AMMienna)