Snøfrid, čájálmas mii lea DAN stuora ráhkisvuođa fámu birra, lea dal johtime sámis ja nu bargá gitta njukčamánnui.

Muhtin kapihttalis Harald Hårfagre ságámuitalusas, Heimskringla girjjis, muitala Snorre, Haralda gaskavuođaid birra nuorra sámi niidii Snøfridii, guhte lei sámigonagasa Svåse nieida. Norgga gonagas Harald I, guhte šattái dovddusin “Hårfagre” namain, ráhkásnuvvái nu mearihemiid čáppa Snøfridii ahte hilggui iežas gonagaslaš geatnegasvuođaid ja náitalii suinna ja ásaiduvvui sápmelaččaid lusa.

Arne Berggren lea čállán dán historja dramáhtalaš muitalussan fápmoriidaleami, juonalašvuođa ja ráhkisvuođa nana magihkalaš fámu birra.

Čálli: Arne Berggren

Lassioasit ja lávlateavsttat: Rawdna Carita Eira

Bagadalli: Haukur J. Gunnarsson

Davvisámegillii jorgalan: Britt-Inga Vars

Koreográfiija/ Bagadallanveahkki: Elle Sofe Henriksen

Šuokŋadahkki: Olav Johan Eira

Lávdehábmejeaddji: Bård Lie Thorbjørnsen ja Maja Von Hanno

Bivttashábmejeaddji: Berit Marit Hætta

Čuovgahábmejeaddji: Steinar Lohne

Muohtovuoidan, hámat ja vuovttat: Trude Sneve

Neavttárat: Ingá Márjá Sarre, Ánte Siri, Nils Henrik Buljo, Egil Keskitalo, Mary Sarre, Anitta Suikkari, Anja Saiva Bjørnstad Bongo.

Álgočájálmas Guovdageainnu kulturviesus ođđajagimánu 12. beaivvi 2018. Čájálmasmátki álgá ođđajagimánu 22. beaivvi.

Mii vuovdit bileahtaid sihke “uvssas” ja neahta bokte, ja avžžuhit ahte oastat bileahta ovdagihtii dás min ruovttusiiddu bokte.

 

Nordlys aviissa árvvoštallan maŋŋel álgočájálmasa

Loga máid aviisa Ságat čállá maŋŋel álgočájálmasa

Loga máid Altaposten čállá maŋŋel álgočájálmasa

Loga Norrbottens Kurirena árvvoštallama

Loga NSD aviissa árvvoštallama

Geahča filmmaža

 

Loga eanet Svåsenieidda Snøfrid birra dás: https://nn.wikipedia.org/wiki/Sn%C3%B8frid_Sv%C3%A5sesdotter