Okta dain ipmášeamos osiin Snorre gonagasmuitalusain lea muitalus Snøfrid Svåsedatter birra; sámenisu gii náitalii Harald Hårfagriin. Ođđajagimánus lea álgočájálmas "Snøfrid" čájálmasas man Arne Berggren lea čállán.

Muhtin kapihttalis Harald Hårfagre ságámuitalusas, muitala Snorre, Haralda gaskavuođaid birra nuorra sámi niidii Snøfridii, guhte lei sámigonagasa Svåse nieida. Norgga gonagas Harald I, guhte šattái dovddusin “Hårfagre” namain, ráhkásnuvvái čáppa Snefridii ja hilggui iežas gonagaslaš geatnegasvuođaid ja náitalii suinna ja ásaiduvvui sápmelaččaid lusa.

Dramatihkar Arne Berggren lea čállán dán historja dramáhtalaš muitalussan fápmoriidaleami, juonalašvuođa ja ráhkisvuođa nana magihkalaš fámu birra.

Dramatihkár: Arne Berggren

Bagadalli: Haukur J. Gunnarsson

Davvisámegillii jorgalan: Britt-Inga Vars

Koreográfiija/ Bagadallanveahkki: Elle Sofe Henriksen

Šuokŋadahkki: Olav Johan Eira

Lávdehábmejeaddji: Bård Lie Torbjørnsen

Lávdehábmenveahkki: Maja Von Hanno

Bivttashábmejeaddji: Berit Marit Hætta

Čuovgahábmejeaddji: Steinar Lohne

Muohtovuoidan ja vuovttat: Trude Sneve 

Neavttárat: Ingá Márjá Sarre, Ánte Siri, Iŋgor Ántte Áilu Gaup, Egil Keskitalo, Mary Sarre, Anitta Suikkari 

 

Álgočájálmas Guovdageainnu kulturviesus ođđajagimánu 12. beaivvi 2018. Čájálmasmátki álgá ođđajagimánu 17. beaivvi. Čájálmasmátkeplána boahtá.

 

Loga Svosenieidda Snøfrid birra dás: https://nn.wikipedia.org/wiki/Sn%C3%B8frid_Sv%C3%A5sesdotter