Ulddaid boazu Stáinnak šaddá dáhpedorpmis olbmuid ja elliid máilbmái, ja álgá guohtut boasttu sajes ja boasttu áiggis. Stáinnak deaivvada Rohttupolitiijain gii bidjá Stáinnaha butkái. Alit ja Ruksesoambealášguovttos geat leabba Stáinnaha buoremus ustibat áiggošeigga veahkehit su, juoga mii ii leat nu álki. Gájudettiin gávnnadeaba Alit ja Ruksesoambealaža guovttos sihke siivu, eai nu siivus ja vel bahás  karakteraiguin. Soai beassaba maid gullat ahte muhtiinat leat álgán huksegoahtit atomarusttegiid ja vel vearrábut áššiid. Ulddaguovttos šaddá dramáhtalaš mátki sihke albma máilmmis ja eatnanvuolážiid  máilmmis. Mihttomearri  lea gádjut Stáinnaha, muhto Rohttupolitiija ja Jurratruolla gal eaba liiko dasa.

  • Čálli: Marry Áilonieida Somby
  • Bagadalli: Victoria Kahn
  • Lávde- ja bivttáshábmen, hápmaráhkadeaddji: Sara Kander
  • Šuokŋadahkki: Roger Ludvigsen
  • Čuovgahábmen: Bernt Morten Bongo
  • Neavttárat: Egil Keskitalo, Leammuid Biret Rávdna, Áilloš, Sarakka Gaup, Svein B. Olsen

Bista: 45 min, heive olles bearrášii.

Vuosttáščájálmas: Guovvamánu 10. Februar 2012

Lassi dieđut, loga Stáinnak čájálmasa prográmma/Forestillingens program

Media, earát: Preassagovat, krediteren govvejeaddji Aslak Mikal Mienna. Deaddil gova oažžundihte preassakválitehta sturrosaš veršuvnna.