Sámi Našunálateáhter Beaivváš lea ásahuvvon Guovdageidnui ja mátkkošta čájálmasaiguin sámegillii Norgga-, Ruoŧa- ja Suoma - bealde sámis. Teáhteris leat 13 bistevaš virggi.

Mii  ohcat olbmo geas lea

  • Snihkkár oahppu ja hárjáneapmi, ja duojár
  • Dihtormáhttu
  • Geabbilisvuohta ja nákce bargat sihke iešheanalaččat ja ovttasbargat rastá buot eará fágasurggiin

Barggut leat earret eará:

  • Dábálaš lávdedoaimmat hárjehallama áigodagas ja čájálmasaid vuolde
  • Čađahit čájálmasaid, čuovga – jietna ja tekstenbargguid ja eará
  • Doaibma, divodanbarggut
  • Áittardit ahte dávvirat ja mašiinnat geavahuvvot gustovaččat lágaid ja njuolggadusaid mielde
  • Muđui eará teknihkalaš barggut

Eahkes- ja vahkkoloahpa barggut šaddet muhtomin, ja virgi geatnegahttá čájálmasmátkkošteami. Ohcci berre máhttit sámegiela. Bálká lea tariffašiehtadusaid mielde. Virgáibidjan čuovvu eavttuid mat lea mearriduvvon lágain, njuolggadusain  ja soahpamušain.

Teáhteris lea sierra penšuvdnasoahpamuš.

Bargui álgin: 1.1.2018

Ohcanáigemearri: 1.10.2017

Eambbo dieđuid virggi birra: buvttadusjođiheaddji Leif Isak Nilut tel. 78484463/90980383.

Ohcan CV’n sáddejuvvo elektrovnnalaččat: beaivvas@beaivvas.no

Orgnr: 944264957