Teáhter lea dal “manahan” buot bileahtaid Pippi Nallesuohkku vuosttaščájálmassii mii lea bearjadaga 5.10., muhto don Guovdageainnus guhte it ollen oastilit bileahta ovdal go dievihii, ale bala, váivašuva ja jierásnuva: lávvordaga 6.10. ja mánnodaga 8.10. čájehuvvo Pippi čájálmas fas Guovdageainnus. Ja das maŋŋel, de čájehuvvo Pippi máŋgii, viidát sámis.

Anitta Suikkari, Áilloš

Sámi Našunálateáhtera Pippi Nallesuohkku vuosttaščájálmas mii lea bearjadaga golggotmánu 5. B. Guovdageainnus, Kulturviesus, lea dievvá, eai leat šat eambbo bileahtat vuovdimassii ja de dieđusge eai šat eanet čohkkánsaji.  Muhto nu mot dávjá lea, ja áinnas dán oktavuođas, de bohtet ođđa vejolašvuođat; Guovdageainnus čájehuvvo Pippi sihke lávvordaga 6.10. ja mánnodaga 8.10., goappašat beaivvi dii. 18:00, Kulturviesus.

Eanet vejoslašvuođat

Ja jus dáidda guokte namuhuvvon čájálmasaide it ge olle oastit bileahta, de lea vejolaš geahččat movttegis, ivdnás ja somás čájálmasa, maid eará báikkiin, go čájálmas johtá oba mihá viidát ja lahka sámis, sihke norgga-, ruoŧa- ja suomabeale sámis.

Ja vel eanet, muhto…

Ja jus it olle dahje nákce eará báikkiin ge finihit geahčesteame Pippi Nallesuohkku, de máhccá máilmmi gievrramus nieiddaš fas Guovdageidnui dás sullii mánu geahčen ja loahpaha čájálmasráiddu de dán bokte. Ja jus dassážii iige šaddan oastit bileahta, de gal “toga manná”.  Dás oainnát gos čájehuvvo Pippi, dás maŋás gitta lohpi. Dás oastát bileahtaid.

Marte Fjellheim Sarre, (Mary Sarre, Nils Henrik Buljo)