Bearjadaga golggotmánu 5. b. lea Pippi Nallesuohkku čájálmasas vuosttaščájálmas. Das maŋŋel čájehuvvo vel moddii Guovdageainnus, ja de dolle ábegáhttu, heasta, villa ja ruhtalávká, ja dieđusge Pippi ja dát earát, čájálmasmátkái.

Nils Henrik Buljo, Mary Sarre, Marte Fjellheim Sarra

Vuosttaščájálmas lea Guovdageainnus golggotmánu 5. B.. Das maŋŋel čájehuvvo moddii vel Guovdageainnus, ovdal go čájálmasmátki álgá. Čájálmas johtá sihke norgga- suoma- ja ruotabealsámi, gitta skábmamánnui. Dás oainnát juste gos ja goas, gii, geat, mot, manin jna…

Bileahtaid sáhtát oastit ovdagihtii, leat gávdnamis dáppe.