Plakáhttagovva

 

Suwa’s New Dynamism Created through Traditional Voices

Yoik & Kiyari Project 2018 lea musihkalaš deaivvadeapmi gaskkal luođi ja árbevirolaš Kiyari lávluma, mii boahtá Suwa guovllus, gaskka Japanis.

Kiyari lea duhat jagi boares lávlunárbevierru mii vuolgá jápana luondduoskus, Shinto. Lea rituealla lávlun, ja man lávlot Onbashira festiválas juohke guđat jagi, gos njeidet guhttanuppelohkái guosa ja fievrridit daid Suwa Taisha bassibáikái, gosa ceggejuvvojit  bassibáikki njealji vistái. Lea joavku, sihke nissonolbmot ja dievdoolbmot, Suwa-guovllus geat ain doalahit dán lávlunárbevieru, ii ge dáhpáhuva gal dávjá ahte lávddis beassá gullat Kiyari.

Áigumuš dáinna prošeavttain lea ovdanbuktit sámi kultuvrra japánalaš gehččiide, earenoamážit nuorra gehččiide ja guldaleddjiide. Konseartta oktavuođas lágiduvvo maid symposiuma sámi kultuvrra ja juoigama/luođi birra.

Sii geat leat mielde

  • Mikkel Rasmus Logje (juoigi)
  • Katarina Barrok (juoigi)
  • Lávlut Chino City Kiyari Preservation Society, Suwa, Japan
  • Bagadalli: Haukur J. Gunnarsson
  • Buvttadeaddjit: Nobuhiko Morioka, Toshiyuki Natori

Ovttasbargoguoimmit:

  • Den Norske Ambassaden i Tokyo
  • Sámi Našunálateáhter Beaivváš
  • Åarjelhsaemien Teatere.

Scandinavia Japan Sasakawa Foundation ja Nagano provinsaráđđehus leaba ruđalaččat dorjon prošeavta.

Álgočájálmas

11.11.18 – Chino City Cultural Centre, Nagano Prefecture, Japan

Mikkel Rasmus Logje, foto/govven: Aslak Mikal Mienna