Koronaláđis smávit ávvudoalut lágiduvvoje Kulturviesus Guovdageainnus lávvordaga geassemánu 12. b.. Ledje sáhkavuorut, čáppa sánit, rápmi ja maiddái guoimmuheapmi.

Teáhterhoavda Rolf Degerlund ja Guovdgeainnu suohkana sátnejođiheaddji Hans Isak Olsen. Suohkan geigii skeaŋkka.

Sámedikki bealis, sámi álbmoga bealis ja maiddái iežan bealis háliidan giitit din buriid sámi teáhter-vásahusaid ovddas. Mun lean reaškán ja mun lean čirron, mu lehpet hirpmástahttán, hástalan ja bidjan jurddašit.

Sámedikkepresideanta Aili Keskitalo (oassi ávvudoalu sárdnis, loga dan ollislaččat dás).

Beaivváš lea čájehan min iežamet čáppa ivnniid. Beaivváš lea muitalan midjiide min muitalusaid min iežamet gillii. Beaivváš lea ge čájehan ahte luođis lea fápmu mii deaivá buot olbmuid beroškeahttá gos bohtet máilmmis.

Fylkkaráđđi Anne Toril Eriksen Balto (oassi ávvudoalu sárdnia, loga dan ollislaččat dás).