Álgočájálmasa rájes mii lei Sámi Álbmotbeaivvi Oslo lea Sámi Našunálateáhtera čájálmas Vidas Extremas ožžon olu rámi. Dagbladet ja iTromsø attiiga o.m.d. bircologu 5 čájálmassii, muhto muđui lea preassa čállán hui čábbát čájálmasa birra. Dal jođaša teáhtera gitta maŋŋel beassážiid, de loahpahuvvo čájálmasráidu.
Sámi Álbmotbeaivvi, guovvamánu 6. B. lei Sámi Našunálateáhteris lihkostuvvon ja buorre álgočájálmas Norgga oaivegávpogis, Det Norske Teatret guossis. Maya-sámi-norgga čájálmas Vidas Extremas čájehuvvui vuosttaš geardde obanassiige, geahččit liikojedje čájálmasa hui bures. Ja nie mot čájálmas váldojuvvui vuosttá Oslos ovttastage hui bures dat mii maŋŋel lea dáhpáhuvvon; čájálmasa lea iežas mátkkis ožžon olu rámi, maiddái teáhterárvvoštalliid bealis. Dagbladet Lillian Bikset bokte fieraldahttá bircologu 5 ja dadjá ea. ea.: «Formspråket er symbolrikt, fysisk og poetisk. Aldri jålete». Árvvoštalli Ida Lou Larsen ii gal goassege bálkes birccu Klassekampen nammasaš áviissas, muhto oaivvilda ahte «Vidas Extremas er en sterk og allmennmenneskelig opplevelse». iTromsø guhte lei čájálmasas Romssas fieraldahtti dan seamma go Bikset ja lasihastti: «Modig teater av Beaivváš”. Ja scenekunst.no, gii maiddái lei álgočájálmasas, vásihii teáhterčájálmasa hui erenoamážin ja buorre: «Den stående applausen som vanligvis kjennes som et slitsomt pliktrituale, kjentes her som en spontan, ektefølt hyllest». Maŋŋel dán leat eará mediat maid daddján olu čábbát čájálmasas birra. Loga buot árvvoštallamiid dáppe (gitta 26.02., leat dušše fal dárogillii). Govva das bajábealde lea govvejuvvon njuolga maŋŋel álgočájálmasa, Oslos (govven: Aslak Mikal Mienna).
Viiddis mátki
Čájálmas boahtá, go lea geargan die njuolga maŋŋel beassážiid, čájehuvvot 35 geardde, juhkkojuvvon 18 skuvlačájálmasaide ja 17 rabas, 17 iešguđege báikkiin Oslos, Nordlánddas, Tromssas, Finnmárkkus ja vel Davvi-Suomas. Olle mátki dahkko ovttasbargguin Scene Finnmárkkuin, Kultur i Tromssain ja DKS Álttáin.
Čájálmas
Čájálmasa leat 4 iešguđege čállit čállán, eret Sámis, Guatemalas ja Argentinas, ja daid teavsttaid lea fas čájálmasa bagadalli Jon Tombre ovttastahttán ja gárven teáhterii, giehtačálusin. Dáiddalaš jođihanjoavkkus lea maid Even Børsum leamaš, lávde- ja bivttashábmemin. Bernt Morten Bongo lea fas hábmen čuovgga ja Andreas Ausland fas lea ráhkadan video, govva & teaksta projekšuvnna. Viđas dain gávccis ensemblesis leat čeahpes hip-hopažat, ráppárat, beatboxarat, artisttat, neavttárat Guatemálas eret, ja de dát golbma eará fas Sámis, ea. ea. ráppár Nils Rune «Slincraze» Utsi. Čájálmas lea huksejuvvon 17 divtta ala, bidjon oktii ja boađus lea erenoamáš čájálmas. Čájálmasas leat vihtta giela geavahusas, sámi, dáro, spánska ja 2 mayagiela. Diet fal balddášii olbmuid boahtit geahččamis, dahje ii; loga mot iFinnmark/Finnmark Dagblad dien čilge iežas buori árvvoštallamis: «Eanas geahččit eai boađe ipmirdit buot mii daddjo lávddis, muhto ii leat dárbu ipmirdit, go čottalávlla, hip-hop, luohti, ámadajut, jietnageavaheapmi ja lihkastagat leat nu ráidnasit/čielgasit bagaduvvon». Sii čállet ge maid ahte “Lea stuora/buorre lávdedáidda mii deaiva njuolga váibmui, giellačanastagaid haga”.
- Prográmma
- Čájálmasgovat
- Dás vuolábealde, čájálmasa videoseakti