Čáppá ja fámolaš konseartačájálmas mii čuozai dovdduide, nu dadje oallusat sis geat vásihedje ávvokonsearta Jielemen aavoe Olavshallenis, Troanddimis . "Kraft og galskap" leat sánit maid Adresseavisen atná sin konseartaárvvoštallamis. Dál bovdet gehččiid Stormen Konseartavissui, Bådåddjos.
Maŋŋel guokte ávvueahkeda Olavshallenis, Troanddimis, gos geahččit hirbmosit liikoje konseartačájálmassii, leat mii dál gearggus čájehit ávvukonsearta Jielemen aavoe Bådåddjos, Stormen konseartaviesus. Jielemen aavoe čájálmasas beasat vásihit sihke fámolaš ja fiinna šuoŋaid, luđiid, dánssa ja čáppá ja poehtalaš teavstta man Rawdna Carita Eira lea čállán.
Frode Fjellheim lea musihkálaš jođiheaddji ja Christian Eggen láidesta Kringkastingsorkestret. Bures Boahtin!
Bileahtat: http://stormen.no/?lang=no_NO