Det Norske Teatret guossečájálmas

Det Norske Teatret
Svein Tindberg “Abrahams barn” (govven Dag Jenssen)

Tindberg lea maŋemus 20 jagi bargan teáhterčájálmasaiguin main lea religiovdna fáddán. Dál, eanet go goassege ovdal, lea soabalašvuohta, háhkat máhtu ja ipmárdusa iešguđetlágán eallinvugiid, árvvuid ja religiovnnaid birra dehálaš. Abrahama mánát bihtás deattuha Tindberg árvvuid mat fátmmastit ja ovttastit buot oskkolaččaid dain golmma stuora máilmmireligiovnnain – juvddálaččaid, isláma ja risttalašvuođa. Det Norske Teatret ii jáhke ahte lea beare maŋŋit gávnnadit ja oahpásnuvvat religiovnnaide main dattetge soitet leat ollu seammalágánvuođat. Svein Tindberga muitalandáidu lea addán eanet go 90000 geahččái ilu ja vejolašvuođa gávdnat searvevuođa máilmmis gos polariseren gaskkal religiovnnaid šaddá garraseabbo aht garraseabbo.

Otná Eurohpás, nugo Gaskanuorttis ge, ellet juvddálaččat, risttalaččat ja muslimat hui lahkalaga. Muslimaid ásaheapmi Oarje-Eurohpás lea oalle ođas. Muhto sihke juvddálaččat ja muslimat leat don doloža rájes leamaš integrerejuvvon oassin risttalaš Eurohpás. Espánnjas, Balkanis ja osiin Nuorta-Eurohpás lea isláma leamaš stuorimus, ja juvddálaččat ja risttalaččat leat eallán minoritehtan. Ođđa áiggis lea dilli eanas leamaš áibbas nuppe ládje. Odne ellet eanet aht eanet muslimat minoritehtan Eurohpás gos risttalašvuođa kulturárvvut leat šaddan vuođđun, ja gos eanetlohku atná iežas risttalažžan.

Abrahama mánáid oktavuohta lea leamaš riidovuloš. Juvddálaččaid, risttalaččaid ja muslimaid historjá lea mihá eambbo girjái. Dat muitala baicca mávssolaš kultuvrra, jierpmálaš ja vuoiŋŋalaš lotnolasvuođa birra, ja gos golbma oskkoldagat leat lahkalaga ovdánan. -Go galggašii lávdemáidnasa ráhkadit dás orro leamen veadjemeahttun, lohka Svein Tindberg iežas barggus dáiguin teavsttaiguin. –Muhto ii dat leat dattetge nu váttis go orru leamen. Dat leat buorit máidnasat! Mu bargu lea muitalit buriid muitalusaid, leaikkastaladettiin. Mun sávašin geahččit vulget mojunjálmmiid olggos fas, muhto maid eambbo máhtolašvuođain. Mii han fertet dovdat guhtet guimmiideamet go ovttas galgat orrut. Ii ba nu?

Čálli ja neavttár: Svein Tindberg

Jorgaleaddji ja dramaturga: Ola E. Bø

Bagadalli: Kjetil Bang-Hansen

Lávdehábmejeaddi: John-Kristian Alsaker

Čuovgahábmejeaddji: Ola Bråten

Lávdegiella: Ođđa dárogiell

Bistá: 2 ja bealle diimmu oktan bottuin

Eanet dieđut čájálmasa birra Det Norske Teatret siiddu (dárogillii).

Det Norske Teatret
Svein Tindberg “Abrahams barn” (govven Dag Jenssen)