Sámi Našunálateáhtera juovlakomediija “Dievddut” čájehuvvo vuohččan bearjadaga 25. beaivvi skábmamánus, muhto livččii sáhttán čájehuvvot jo giđđat; dakka maŋŋel beassážiid ja maŋŋel Vidas Extremas čájálmasmátki, čájálmas buvttaduvvui ja garvvistuvvui, muhto biddjui rádjui, otnážii.
Juovlakomediija Dievddut dáhpáhuvvo muhtin stuora gávpevistti hivssegis juovlabasiid áigge. Vuosttaščájálmas lea bearjadaga 25 beaivvi skábmamánus. Duohtavuođas livččii bihttá sáhttán čájehuvvot giđđat juo, ovdal geasseluomu ja maiddái ovdal dán gieskat loahpahuvvon Mávssaheami čájálmasmátki, muhto fertiimet gaskkalduhttit dan sivas go Mávssaheami bihtá álggiimet buvttadit gos sihke bagadalli ja guovttis neavttáriin leigga mielde. Beaivváš Sámi Našunálateáhtera hoavda Rolf Degerlund lea bagadallin, ja teáhtera fásta neavttára guovttos Egil Keskitalo ja Iŋgor Ántte Áilu Gaup ja freelancer Nils Henrik Buljo nektet Dievddut bihtás.
Ruovttoluotta hivssetkomediijamodusii
Dán vahkku leat dát golbma neavttára ovttas teáhterhoavddain bonjastan iežaset fas ruovttoluotta “hivssetkomediijamodusii” go leat ohcalan Dievddut giehtačállosa ja álgán hárjehallat. Diibmu 19:00 leat 3 dievddu gárvásat guoimmuhit gehččiid Kulturviesu lávddi alde, mii dán vuoru lea šaddan almmolaš hivssegiin.
Ruoŧa juovlakomediija sámegillii
Dievddut – Herrar – lea ruoŧa juovlakomediija, ja čájehuvvo vuohččan davvisámegillii, ja maid dán vuoru eat leat teksten dárogillii. Hivssetbihtáin johttit Finnmárkkus, Davvi Romssas, Davvi-Suomas ja -Ruoŧas, ja loahpahit Romssa gávpogis lagabui juovlaruohta.
Dákko lea bienalaš čájálmasmátki.
Dievddut
Mii dáhpáhuvvo go golbma dievdoolbmo, geain lea iešguđetlágan eallinduogáš, lássejuvvojit stuoragávppi hivssegii ja šaddet doppe leahkit juovlabasiid? Movt sii galggaše ávvudit juovllaid stuoragávppi hivssegis? Mii dáhpáhuvvo go šaddet juogadit juovlaherskuid, ja go šaddá albma borranmiella?
Sámi Našunálateáhtera juovlaleaikkastallamat rávisolbmuide dán jagi lea “Dievddut” komediija. Bihttá ii leat iešalddis earágo mikrokosmos árbevirolaš bearaš-juovlaávvudeamis: moattes fertejit soaittáhagas liigudit iežaset astoáiggi ovttastallamii, vuordevaš juovlailludeamis. Dá lea oassi almmustusain dán vilššas komediijas, sin imašlaš dilálašvuođaid siste. Mii sávvat dáinna čájálmasain illudit, muhto maiddái ahte don válddat áiggi veaháš smiehtastit min juovlaráfi áigge.