Beaivváš čájeha “Áillohaš – beaivvi bárdni" Tokyos ovttasbarggus Norgga ja Suoma ambassádain suoidnemánu loahpageahčen. Ja ovdal dán, Kajaani Festivalas Suomas, maiddái suoidnemánu.
Beakkán čájálmas “Áillohaš – beaivvi bárdni” maid Ari-Pekka Lahti lea čállán čájehuvvo dán geasi álggos Kajaani festiválas Suomas, ja de joatká Tokyoi, Japánii. Čájálmas lea ovttasbargu gaskkal Beaivváš Sámi Našunálateáhter, Suoma Našunálateáhter ja Ruska Ensemble. Vuosttáščájálmas lei guovvamánu 06.b 2014 Helssegis, ja dan rájes lea čájálmas johtán miehta Norgga-, Ruoŧa- ja Suomabeal´ Sápmi. Miessemanus 2015 čájehuvvui St.Petersburggas, ja maiddái Ruošša geahččit liikojedje čájálmassii.
“Áillohaš – beaivvi bárdni” čájehuvvo álggos Kajaani Festivalii Supmii sotnabeaivve suoidnemanu 05.b – eanet dieđut gávnnat dás;
De johtá čájálmas Japánii gos čájehit golbma čájálmasa Theatre X:as Tokyos 24.-26.07. Japána čájálmasat čájehuvvot ovttasbarggus Norgga ja Suoma ambassádain. Prográmma ja dieđuid gávnnat dás: