Korona-pandemiija dagaha dieđusge váttisvuođaid buohkaide, maiddái teáhterii. Guovžža vuoššat álgočájálmas sirdojuvvo vahkku áiggis, Kárášjohka-čájálmasat sirdojuvvojit loahpas njukčamánnui ja Romssa čájálmasat šluhttejuvvojit.
Korona-pandemiija buktá maiddái midjiide teáhteris máŋgga lágan hástalusaid. Muhtin háve leat hástalusat badjelmearálaččat, nu badjelmearálaččat ahte fertet rievdadit mearriduvvon plánaid, nu mot sirdit čájálmasáigodatplánaid.
Guovžža vuoššat álgočájálmas galggai leahkit Guovdageainnus bearjadaga 26.2., muhto dát sirdo vahkkuin, njukčamánu 5. beaivái. Čájálmas mii galggai leahkit Guovdageainnus 27.2. sirdojuvvo njukčamánu 6. beaivái. Kárášjohka-čájálmasat mat galge leahkit 5.3. ja 6.3. sirdojuvvojit loahpageahčai njukčamánnui, nammalassi 26.3. ja 27.3. Ja čájálmasat mat galge leahkit Romssas 26.3. ja 27.3., šluhttejuvvojit oalát.