Beaivi, áhčážan. Eanni, eannážan - Áillohaš sániid die, muhto eai fal dušše sánit; dal olles stuora musihkkačájálmas ovttas Árktalaš filharmoniijain ja dasa lassin maiddái stuorimus čájálmasvisttiin Norggas. Frode Fjellheim lea musihkkalágideaddji, Beaivváža neavttárat juiget ja nektet ovttas ea. ea. Ulla Pirttijärvin guhte lea solista.

Iŋgor Ántte Áilu Gaup, Mary Sarre, Rolf Degerlund, Marte Fjellheim Sarre, Frode Fjellheim, Rawdna Carita Eira, Egil Keskitalo, Nils Henrik Buljo

Beaivi, áhčážan. Eanni, eannážan. Die Áillohačča, Nils Aslak Valkeapää, sánit, guokte olggosaddiimiid bokte, 1988 ja 2001. Ja dal eai fal dušše sánit ja olggosaddimat vádjolan sámi multidáiddáris, muhto olles stuora musihkkačájálmas, mii dasa lassin galgá gullot ja oidnot stuorimus čájálmasvisttiin Norggas. Skábmamánu 18. B. 2021 čájeha Sámi našunálateáhter ovttasbarggus Árktalaš Filharmoniijain musihkkačájálmasa “Beaivi, áhčážan. Eanni, eannážan” vuohččan, Stormen čájálmasvisttis Bådåddjos. Das maŋŋel lea Romsa kulturviesus 19.11. ja maŋemus čájálmas dán háve lea Operas Oslos, sotnabeaivve skábmamánu 21. B..

Luohti lea guovddážis dán čájálmasas, Beaivváža njeallje neavttárat lea mielde, juoigama ja neaktima bokte. Frode Fjellheim lea musihkkalágideaddji ja -šuokŋadahkki. Ja ovttas juigiiguin ja Árktalaš Filharmoniija musihkáriin, lávluba Ulla Pirttijärvi ja Adrian Angelico (solisttat).

Dá eanet dieđut čájálmasa birra ja maiddái čujuhusat bileahttaoastimii.