Eila ja bártnáš, ja rieban ja prinssa

Neavttár Eila Ballovara Varsi lohká dá iežas maŋemus girjemuitalusa, na goit dán hávvái. Nu mot ge ovdal, boares muitalus vižžon J. Qvigstad muitalusčoakkáldagas, ja lea dan birra go bártnáš ovttas riebanin bestiiga prinssa.

Sulloža stállu

Neavttár Eila Ballovara Varsi lohká fas boares muitalusa vižžon J. Qvigstad muitalusčoakkáldagas. Dán háve muitala son miellagiddevaččat muitalusa gos deaivvadit earet eará mearrastáluin, gufihttariiguin ja muhtin bahá gonagasain.

Máidnu doložiid alvvalaččat ođđa hámis

Guovssahasa hálddus bearaščájálmasa vuolggasadji lea dološ sámi muitalusas ja lea dál fargga oaidnimis ja gullamis, ođđa hámis. Bagadalli ja čálli Nils Gaup doallá dán dehálažžan ahte dološ máidnasat an muitaluvvojit, nu mot sámi našunálateáhter bargá dal dán bokte.

Álgočájálmas skábmamánu

Beaivi, áhčážan. Eanni, eannážan - Áillohaš sániid die, muhto eai fal dušše sánit; dal olles stuora musihkkačájálmas ovttas Árktalaš filharmoniijain ja dasa lassin maiddái stuorimus čájálmasvisttiin Norggas. Frode Fjellheim lea musihkkalágideaddji, Beaivváža neavttárat juiget ja nektet ovttas ea. ea. Ulla Pirttijärvin guhte lea solista.

Guovssahas teáhtera lávddis

Nubbi váldobuvttadus dán jagi, musikála “Guovssahasa hálddus", lea dal šaddagoahtime, dás leaba Nils Gaup ja Beaivváš debutánta Elin Oskal guovddažis.

Vistehuksejeaddji válljejuvvon

Statsbygg almmuhii ahte Econor AS lea válljejuvvon hukset Sámi našunálateahterii ja Sámi joatkkaskuvllii ođđa teáhter- ja skuvlavistii. Teáhtera stivrajođiheaddji ja teáhterhoavdá illudeaba.

40 jagi ávvudoalut

Koronaláđis smávit ávvudoalut lágiduvvoje Kulturviesus Guovdageainnus lávvordaga geassemánu 12. b.. Ledje sáhkavuorut, čáppa sánit, rápmi ja maiddái guoimmuheapmi.

Teáhter lea 40 jagi!

Teáhter lea dal 40 jagi. Ávvugirji ja Juoiggas CD olggosaddo ja lea maid vuovdemassii. Smávit ávvudoalut lágiduvvojit dán oktavuođas Guovdageainnus lávvordaga geassemánu 12. b..

Guovžža vuoššat gearggai

Guovžža vuoššat čájálmas geavai loahpa loahpas olgočájálmassan ja dal lea ge čájehuvvon olgun álgočájálmasa rájes. Maŋemus čájálmas čájehuvvui Guovdageainnus guhkesbearjadaga.

Teáhtera 2021 prográmma

Guovžža vuoššat, Beaivi, áhčážan, eanni, eannážan, Muohtadivggažat ja Guovssahasa hálddus leat oassin 2021 teáhterjagi prográmmas.