Dál mii illudit min njealját álgočájálmssii dán jagi! Ja čakčamánu 6. beaivvi leat gearggus čájehit "Johan Turi" nammasaš bihtá Det Norske Teatret:s Oslos. Bihtá leaba Harald Gaski ja Gunnar Gjengset čállán ja teakstaheiveheaddjit leaba bagadalli Frank Jørstad ja Kristian Lykkeslet Strømskag. Maŋŋel čájálmasaid Oslos vuolgit čájálmasmátkái mii bistá gaskamuddui golggotmánu, ja maŋemus čájálmas lea golggotmánu 17. beaivvi, Guovdageainnus.
Johan Turi lea čájálmas dan birra movt olbmuid deaivvadeapmi sáhttá rievdadit eallima ja movt okta girji sáhttá rievdadit olbmuin oainnu ovtta álbmoga birra. Johan Turi niehku lea almmuhit girjji sápmelaččaid eallima birra, ja dan bokte maid eiseválddiide čilget sápmelaččaid eallima ja jurddašeami, nu ahte soitet rievdadit oainnus sámiid birra. Lea čájálmas nieguid, fillehusa, eahpádusa, doalvvuheami ja gáhtama birra.
Togamátkis deaivvada Turi fitnodathoavddain- ja gironlaččain Hjalmar Lundbohmain. Seamma mátkis lea maid dánskalaš dáiddár ja dutki Emilie Demant. Veahkeheaba go soai su?
Neavttárat: Iŋgor Ántte Áilu Gaup (Johan Turi), Ingá Márjá Sarre (Emilie Demant), Egil Keskitalo (Hjalmar Lundbohm)
Čállit: Harald Gaski ja Gunnar Gjengset. Jorgalan sámegillii: Britt-Inga Vars. Bagadalli: Frank Jørstad. Lávde- ja bivttashábmejeaddji: Even Børsum. T-báiddit: Stoorstålka. Čuovgahábmejeaddji: Øystein Heitmann. Šuokŋadahkki: Johan Eriksson Degerlund. Luohtedahkki: Áilloš Dramaturga: Kristian Lykkeslet Strømskag. Bivttasveahkki/heiveheaddji/goarru: Ann Majbritt Eriksen
Buvttadus- ja čájálmasteknihkárat: Bernt Morten Bongo, Olav Johan Eira, Ole Thomas D. Nilut, Bernt Roger Somby
Govvejeaddji: Johan Mathis Gaup. Gráfalaš hábmejeaddji plakahtta/prográmma: Kerstin Andersson.