Ol Johan Gaup, Ingá Márjá Sarre. Govven/Foto: Ingun A. Mæhlum

Sámiid ja Pakistanaid deaivvadeapmi vuojahagas stuora gávpogis lea bihtá sisdoallu. Dasa vel lasihastit nuorravuohta, leaikkastallan ja animašuvnnat.

Báru juogadeamis lei álgočájálmas 18. beaivvi čakčamánus, 2009. Visuála ja gelddolaš komediija, muhto mii maid guoskkaha dehálaš áššiid min eallimis. Guokte nuora deaivvadeaba vuojahagas. Gávpot sámebárdni Lásse háliidivččii šaddat  ámmátvuojadeaddjin, mii lea olatmeahttumis niehku go sus lea vuoiŋŋamašvihki ja fargga jápmime. Vuojadanfákta Leelah šaddá su ustit. Son lea pakistanlašnieida gii maid háliidivččii šaddat ámmát-vuojadeaddjin, muhto su kulturduogáš hehtte su.

Christina Mauer lea bihtá čálli. Kristin Bjørn lea bagadalli  mas sihke neaktin, animašuvdna, suoivvanas neaktin ja live-video leat oassin, ja mii dagaha visuála miellagovvádusa ja duohtavuođa vuoiggalaččan. Ii leat dušše filbma ja čuovggat mat dagahit bihtá geahččan veara, muhto maiddái neavttárat iežaset máhkaš vuojademiin máhkaš čázis mii lea ráhkaduvvon 300 mehter fanahanbáttis. Sámi artista Sofia Jannok lea čállán guokte poplávlaga erenoamážit dása.   

Čálli Christina Meyer
Bagadalli Kristin Bjørn
Neavttárat: Ol Johan Gaup, Ingá Márjá Sarre, Mary Sarre, Iŋgor Ántte Áilu Gaup, Egil Keskitalo

Álgočájálmas 18.09.2009, Guovdageaidnu.

Krediterenlisttu
Flyer
Čájálmasa prográmma

Áššit čállon beaivvas.no/preassadieđáhusat

05.06.2009 Juohkit báru čakčat
03.09.2009 Hyperealastalaš, visuála ođđa čájálmas Beaivvážis
04.09.2009 Vuojadit máhkaš-čázis
15.09.2009 Ođđa čájálmas, dievva álgočájálmas
22.09.2009 Juoga visuála ja čáppat mátkkošteame
04.11.2009 Bárru lea bisánan

Preassagovat

Fotograf, govvejeaddji: Ingun A. Mæhlum. Krediteren ja lohpi gáibiduvvo geavaheamis.