Ii ge leat mihkkege unna máŧkáš maid Beaivváš ja Allaq veahka áigot čađahit njukča- ja cuoŋománus dán jagi. Namalassii 6300 kilomehtera oktiibuot, go fas leat joavdan ruoktot Guovdageidnui gaskamuttus cuoŋománu. Buorre lihkkus lea Oahpisteaddji mielde, Nils Henrik Buljo neaktá Oahpisteaddji, dás olgešbealde govas, ja Niillas Holmberga lea ges Stefan. Jus vel Stamsund čájálmasmáŧki lasihit dán rehketbihttái lea oktiibuot 6450 kilomehtera máŧkošteapmi.

Čájálmasa vuosttaš máŧkebáiki lea Vuonnabahta gaskavahku 3.3., dasto Ohcejohka, Deatnu, Avvil, Kárášjohka. Muđui eará báikkiid vuolemusas dás.

Ja jus Oahpisteaddji láhppo, de lea buorre go sáhttá geahččat Google map, mii veahkeha buohkaid geat leat máŧkošteame. Dasa leat ge bidjan Allaq čájálmasmáŧkeruvtta – na juste fal –  Google mapii.

Allaq teáhterbihtá sisdoallu lea ea ea mot olbmot badjelgeahččanvuođain meannudit luondduin ja gos mii badjelmearálaš loaktimin vajálduhttit luonddu várjaleami. Ja dás mii dal hevrrostat laigojuvvon dieselbussiin, eat ge dieđe mot muđui gálggašeimmet johttit ja čájehit teáhtera sámi álbmogii, geat leat sihke duoppe ja doppe, dan 6300 km guhkkosaš máŧkis.

Dá lea min čájálmasmáŧki (deaddil dása vuoi oainnát dárkileappot): 

Guovdageaidnu/Kautokeino, Duor./Tors. 26.02 og/ja 28.02.  Unjárga/Nesseby, Gask./Ons. 03.03  Ohcejohka/Utsjoki, Duor./Tors. 04.03  Deatnu/Tana, Bearj./Fre. 05.03  Avvil/Ivalo, Lávv./Lør. 06.03  Kárášjohka/Karasjok, Sotn./Søn. 07.03  Giron/Kiruna, Gask./Ons. 10.03 Johkamohki/Jokkmokk, Duor./Tors. 11.03 Upmeje/Umeå, Lávv./Lør. 13.03 Luvlieluspie/Østersund, Disd./Tirs. 16.03 Verdal, Gask./Ons. 17.03 Snåase/Snåsa, Duor./Tors. 18.03 Tråante/Trondheim, Bearj./Fre. 19.03 Röörovse/Røros, Lávv./Lør. 20.03 Oslo, Disd./Tirs. 23.03, 24.03. ja/og 25.03. Guovdageaidnu/Kautokeino, Duor./Tors. 01.04. ja/og 02.04. Olmmáivággi /Manndalen, Duor./Tors. 08.04 Romsa/Tromsø, Bearj./Fre. 09.04. ja/og 10.04. Harstad, Sotn./Søn. 11.04 Kautokeino/Guovdageaidnu, Gask./Ons. 14.04