Ellos eatnu lea johtán Sámi álbmotbeaivve rájes, ja dal lea čájálmasmátki ollen lohppii, maŋemus guokte čájálmasa čájehuvvojit Guovdageainnu beassášmárkaniid oktavuođas. Muhto teáhter čájehastá vel nuppi čájálmasa beassážiid, lea Muohtadivggažat čájálmas, mii mad čájehuvvo guktii.
Ellos eatnu čájálmas lea johtán guhká ja viidát, jo Sámi álbmotbeaivve rájes. Lea čájehuvvo feara gos, sihke rabas čájálmassan ja skuvlačájálmassan. Muhto dal lea čájálmas joksan čájálmasmátkki loahpa, dal leat vel guokte čájálmasa, dát čájehuvvojit Guovdageainnu beassášmárkaniid oktavuođas, gaskavahkku ovdal skilleduorastaga ja de maŋemus geardde obanassiige, skilleduorastaga. Dás leat eanet dieđut Ellos eatnu birra.
Muohtadivggažat
Muhto go Ellos eatnu lávdi lea gaikoduvvon ja ráddjejuvvon eret, de lea áigi ceggestit ođđa lávddi, lea lávdi Muohtadivggažat čájálmassii. Dát čájálmas, mii ovdal dušše lea čájehuvvon Davvi-Norgga riemuin ja Romssas, čájehuvvo dal Guovdageainnu, dieđusge maid beassášmárkaniid oktavuođas. Ja maiddái guktii. Vuosttaš lea guhkesbearjadaga ja de loahpahage Beaivváš iežas teáhterbeassážiid nuppi čájálmasain 1. Beassášbeaivvi. Dát čájálmas lea ráhkaduvvon ovttasbargguin Ferske scener teáhterjoavkkuin Romssas. Dás sáhtát lohkat mii dal dát čájálmas lea.
Kulturviessu!
Goappašagat leat oaidnimis Kulturviesus, dá leat áiggit:
- Ellos eatnu: gask. 13.4. dii. 19:00
- Ellos eatnu: skilleduor. 14.4. dii. 19:00
- Muohtadivggažat: guhkebear. 15.4. dii. 19:00
- Muohtadivggažat: 1. Beassášbeaivvi, 17.4. dii. 19:00