Guovžža vuoššat čájálmas geavai olgočájálmassan. Ja dal lea mearriduvvon ahte čájehuvvo feara gos norggabeale sámis ja de leat ge maid bileahtat dal vuovdemássii.
Dás ii nu guhkes áigge álmmuhii teáhter ahte Guovžža vuoššat čájálmas geavvá olgočájálmassan. Ja dal lea maid mearriduvvon ahte čájálmas galgá čájehuvvot máŋgga sajis. Álgá nu mot jo almmuhuvvon Guovdageainnus loahpageahčen guovvamánus ja das maŋŋel čájehuvvo Kárášjogas, Álttás, Deanus ja Romssas. Buot dien báikkiin lea plána cegget muohta-/jiekŋalávdi.
Bileahtat
Bileahtaid lea maid vejolaš dál háhkat. Dás oainnát gos ja goas čájehuvvo ja de maid sáhtát seammás álgit dahje joatkit juovlagávppašeami, dáppe dieđusge oastát bileahtaid erenoamáš ja gelddolaš teáhterdáhpáhussii.