Pippi čájálmas lea iežas čájálmasráiddus viidát Sámis geasuhan olu olbmuid. Guovdageainnus ledje álgogeažis ráiddus máŋgga dievvá čájálmas, muhto aŋkke lea vuordimis ahte maŋemus čájálmas čájálmasráiddus mii de lea ge Guovdageainnus, maid dieviha.
Pippi lea dán rádjai oktan vuosttaščájálmasain Guovdageainnus čájehuvvon 17 geardde, buot čájálmasain leat leamaš olu olbmot. Ja nu maiddái otne go čájehuvvo Olmmáivákkis, de leat jo guhká diehtán ahte doppe čájálmasvisti oalát dievva.
Loahpaha gos vulggii
Teáhtera ruovttubáikkis Guovdageainnus leat dán rádjái čájehuvvon golbma almmolaš čájálmasa, buot golbma ledje dievva. Ja dasa lassin čájehuvvoje muhtin geahččalančájálmasa, daiguin maid ledje valjit olbmot. Ja go dal čájálmas vel čájehuvvo Olmmáivákkis ja Romssas, de bisána čájálmasráidu doppe gos álggii, go maŋemus čájálmas lea Guovdageainnus mánnodaga skábmamánu 5. B. Jáhkkimis dievva dát čájálmas maiddái.