Buozalmasvuohta dagaha váttisvuođaid Muohtaoabbá čájálmasa čájálmasmátkái. Plánejuvvon čájálmas Girkonjárggas ikte 5.12., Vuonnabađas otne ja Deanus ihtin leat buohkat šluhttejuvvon.
Neavttárat Muohtaoabbá čájálmasas leat dáid maŋemus beivviid buohcan, dan sivas šluhttejuvvui čájálmas mii galggai leahkit Girkonjárggas ikte mánnodaga 5.12.. Dát seamma, seamma sivas, geavai čájálmasain mii galggai otne čájehuvvot Vuonnabađas, ja nu maiddái čájálmasain mii lei plánejuvvon ihtin Deanus. Buohkat geat leat oastán bileahta čájálmasaide mat leat šluhttejuvvon ožžot máksot ruovttuluotta ruđa.
Mot de čájálmasaiguin Guovdageainnus?
Dál leat vel guokte čájálmasa čájálmasráiddus, goappašagat Guovdageainnus, dal bearjadaga ja maŋemus beaivvi maŋŋel, lávvordaga. Leaš oaidnit mot dáiguin šadda…