Bearjadaga njukčamánu 5.b. beasai viimmat teáhter čájehit iežas čájálmasa Guovžža vuoššat mas buvttadeapmi lea leamaš veahá giksašuvan. Ja vaikko biegga ja buolaš cikcii bures, ja orui maid áigume ráhkadit bárttiid teáhterii ja čájálmassii, de manai aŋkke hui bures; álgočájálmas lihkustuvai bures, ja sihke geahččit ja media ledje hui duhtavaččat.
Bearjadaga njukčamánu 5.b. beasai viimmat Sámi našunálateáhter čájehit iežas čájálmasa Guovžža vuoššat vuohččan ja dát dáhpáhuvai olgun Guovdageainnu gilišilljus (musea Guovdageainnus). Dálki ii lean man ládje ge buorre, lei ruvaš, muhto aŋkke lihkkostuvvui álgočájálmas bures, sihke geahččit ja maiddái media lihkkojedje sihke maid oidne ja gulle.
Nanu árvvoštallamat
Sámi áviisa Ávvir fieraldahtti čájálmassii, čájálmas mii vuolgá Mikael Niemi románas Guovžža vuoššat/Koka björn, viđeža, ja Altaposten čájehii buot birccu guhtta čuoggáid. Dás sáhtát lohkat Sámi ođasmagasiinna reportáša, gos ea. ea. lea lohkamis ahte geahččit oaivvildeddje sullii seamma go media. Álgočájálmasvahkkoloahpa čájehuvvoje guokte čájálmasa ruovttubáikkis, Guovdageainnus, nubbi galggai čájehuvvo lávvordaga 6.b., muhto maŋiduvvui beaivvi maŋŋel, juste fal dálki sivas. Goappašat čájálmasat ledje dievva.
Koránahástalusat
Dá bajábealde, hui duhtavaš teáhterhoavda ovttas neavttáriiguin ja guovddáš olbmuiguin buvttadusas, njuolga maŋŋel álgočájálmasa. Čájálmas ja čájálmasa buvttadusas, mii lei álggu rájes plánejuvvon nu ahte galggai mátkkoštit “nu mot dábálaččat” ja álgočájálmas galggai leahkit Oslos Sámi álbmotbeaivve, lea leamaš giksašuvan nu mot buot eará ge, pandemiijas. Ea. ea. muhtin neavttárat ja maiddái muhtimat dáiddalaš jođihanjoavkkus leat šaddan čađahit karantena muhtin áigodagain ja eanas čájálmashárjehallamat leat čađahuvvon neahta bokte, go bagadalli Leif Stinnerbom lea čađat leamaš ruovttus Ruoŧas. Muhto dal lea goit čájálmasbuvttadeapmi geargan, álgočájálmas lea čájehuvvon ja buot orru manname plána mielde. Guovžža vuoššat čájehuvvo olgočájálmassan Guovdageainnus, Áltás, Deanus ja Kárášjogas, vahkkoloahpaid ovdal beassážiid. Loahpa loahpas čájehuvvo dát fas Guovdageainnus, beassážiid, guovtte geardde.
Dá dieđut čájálmasa birra ja gos/goas čájehuvvo.
